መረፃ ኣባላት ቤት ምኽሪ ፓርቲ ብልፅግና ይሳለጥ ኣሎ

ኣዲስ ኣበባ፣ 25 ጥሪ፣ 2017 (ኤፍ ኤም ሲ)መረፃ ኣባላት ቤት ምኽሪ ፓርቲ ብልፅግና ብግልፂ፣ ኣሳታፋይን ዴሞክራሲያዊን ብዝኾነ መገዲ እናተሳለጠ ምዃኑ ሓላፊ ርክብ ህዝቢን ዓለም ለኸን እቲ ፓርቲ ቢቂላ ሁሪሳ (ዶ/ር) ገሊፆም።

ፓርቲ ብልፅግና ካልኣይ ስሩዕ ጉባኤኡ ካብ 23 ጥሪ 2017 ዓ.ም ጀሚሩ እናተኻየደ ይርከብ፡፡

እቲ ጉባኤ ሳልሳይ መዓልቲ ውዕሉኡ ብዝምልከት ንመራኸብቲ ሓፋሽ መብርሂ ዝሃቡ ሓላፊ ርክብ ህዝቢን ዓለም ለኸን እቲ ፓርቲ ቢቂላ ሁሪሳ (ዶ/ር)÷ ካብ ወጋሕታ ጀሚሩ መረፃ ኣመራርሓ እናተኻደ ከምዝወዓለ ገሊፆም።

በዚ ድማ ኣብ ናይ ንጉሆ ክፍለ ጊዜ ንቀዳማይ ሚኒስትር ኣቢይ ኣሕመድ (ዶ/ር) ብልዑል ሓለፋ ድምፂ ፕሬዚዳንት እቲ ፓርቲ ብምግባር ከምዝመረፀ ኣብሪሆም።

ኣይተ ኣደም ፋራህን ኣይተ ተመስገን ጥሩነህን ድማ ምክትል ፕሬዚዳንታት ፓርቲ ብልፅግና ብምዃን ብልዑል ድምፂ ከምዝተመረፁ ኣልዒሎም።

እቶም ፕሬዚዳንትን ምክትል ፕሬዚዳንታትን ብመተሓዳደሪ ደምቢ እቲ ፓርቲ መሰረት ብምግባር ቃለ ማሕላ ከምዝፈፀሙ እውን ገሊፆም።

“እቲ ጉባኤ ኣብ ድሕሪ ሰዓት ውዕሉኡ መረፃ ኣባላት ቤት ምኽሪ ፓርቲ ብልፅግና እናካሄደ ይርከብ” ኢሎም።

በሓዱሽ መተሓዳደሪ ደምቢ እቲ ፓርቲ መሰረት ኣቐዲሙ ማእላይ ኮሚቴ ዝብል ኣወዳድባ ሕዚ ቤት ምኽሪ ፓርቲ ብልፅግና ብዝብል ከምዝተተከአ ተዛሪቦም።

“ብመሰረት እቲ ሓዱሽ መተሓዳደሪ ደምቢ ማእኸላይ ኮሚቴ ፓርቲ ብልፅግና ዝብል ተሪፉ መረፃ ኣባላት ቤት ምኽሪ ፓርቲ ብልፅግና እናተኻየደ ይርከብ” ኢሎም።

ኣብቲ መረፃ ብዙሓት ካብ ኩሉ ክፋል ሕብረተሰብ ዝተወከሉ ተሳተፍቲ ናፃ፣ ዘይሻራዊን ዴሞክራሲያዊን ብዝኾነ መገዲ ሕፁያት ፀሪሖም እናሃቡ ከምዝርከቡ እውን ኣልዒሎም።

ድሕሪ ሒደት ሰዓታት ውፅኢት እቲ መረፃ ኣባላት ቤት ምኽሪ ንህዝቢ ዕላዊ ከምዝኸውን ብምሕባር፥ ቀፂሉ ድማ መረፃ ኮሚሽን ኢንስፔክሽንን ስነ-ምግባርን እቲ ፓርቲ ከምኡ እውን ኣባላት ኮሚቴ ፈፃ ስራሕ ከምዝሳለጥ ተዛሪቦም።

“ምሃብ ድምፂ ንፈለማ እዋን ብቐጥታ ብቴክኖሎጂ ብዝተሓገዘ መገዲ ድምፂ ንመሃብ ብዘኽእል መልክዑ እናተኻየደ ይርከብ” ዝበሉ ቢቂላ ሁሪሳ (ዶ/ር)÷ እቲ ጉባኤ ልዕልና ሓሳብ ብልፅግና ዝተገለፀሉን ውሽጢ ዴሞክራሲ እናደንፈዐ ምምፅኡ ዝተርኣየሉን ከምዝኾነ ኣብሪሆም።

ክሳብ ዝቕፅል ጉባኤ ዝትግበሩ ውሳነታትን ኣንፈታትን ዕላዊ ከምዝግበሩ ምግላፆም እውን ግዜኢ ፀብፂቡ።