መበል 38 ጉባኤ መራሕቲ ሕብረት ኣፍሪካን መበል 46 ስሩዕ ጉባኤ ቤት ምኽሪ ፈፃሚ ስራሕን ብሰላም ንክዛዘም ጥምር ሓይሊ ፀፅታን ድሕንነትን እኹል ምድላው ብምግባር ናብ ስራሕ ምእታዉ ኣፍሊጡ

ኣዲስ ኣበባ፣ 3 ለካቲት፣ 2017 (ኤፍ ኤም ሲ)መበል 38 ጉባኤ መራሕቲ ሕብረት ኣፍሪካን መበል 46 ስሩዕ ጉባኤ ቤት ምኽሪ ፈፃሚ ስራሕን ብሰላም ንክዛዘም ጥምር ሓይሊ ፀፅታን ድሕንነትን እኹል ምድላው ብምግባር ናብ ስራሕ ምእታዉ ኣፍሊጡ።

እቲ ጥምር ሓይሊ ክሳብ ሐዚ ኣብ ኣዲስ ኣበባን ብብርኪ ሃገርን ዝተኻየዱ ስራሕቲ ፀፅታ ዕዉታት ከምዝኾኑ ገምጊሙ።

መበል 38 ጉባኤ መራሕቲ ሕብረት ኣፍሪካን መበል 46 ስሩዕ ጉባኤ ቤት ምኽሪ ፈፃሚ ስራሕን ብሰላም ንክዛዘም ሓደሽቲ ሎጂስቲክ ዓቕሚ ብምጥቃም፤ ልዑል ቁፅሪ ዘለዎ ሓይሊ ፀፅታ ብምውፋር ብቴክኖሎጂ ዝተሓገዘ ስራሕቲ ፀፅታን ድሕንነትን የካይድ ከምዘሎ ገሊፁ።

ብተኸታታሊ ይካየድ ኣብ ዘሎ ፖሊስ ፌዴራል ኢትዮጵያ፣ ኣገልግሎት ብሄራዊ መረዳእታን ድሕንነትን፣ ሪፐብሊካን ጋርድ፣ ፖሊስ ኣዲስ ኣበባን ካልኦት ኣካላት ፀፅታን ዝተዋደደ ኦፕሬሽን ኣዲስ ኣበባ ፍፁም ሰለማዊ ብምዃን ንክትቅፅል ዘኽኣለ ከምዝኾነ ተሓቢሩ።

ኣብዘዚ ሐዚ እዋን ሰላም እታ ከተማ ኣተኣማማኒ ኩነታት ምቕፃሉ ብምግምጋም ዘረጋገፀ ከምዝኾነ ዝገለፀ እቲ ጥምር ሓይሊ፥ ዝተረኸበ ሰላምን ብዝተኻየደ ኦፕሬሽን ነዝተረኸበ ውፅኢትን ተሳትፎ ህዝቢ ልዑል ከምዝነበረ ገሊፁ።