መንግስቲ ጣሊያን ኣብ ኢትዮጵያ ንዘፈር ቡን 10 ሚሊየን ዩሮ ዝተናወሐ ልቓሕ ፈቒዱ

ኣዲስ ኣበባ፣ 9 መጋቢት፣ 2017 (ኤፍ ኤም ሲ)መንግስቲ ጣሊያን ምትእስሳር እታወት ልምዓት ፍርያት ቡን ኢትዮጵያ ንምሕጋዝ 10 ሚሊየን ዩሮ ዝተናወሐ ልቓሕ ከምዝፈቐደ ተገሊፁ።

በዓል መዚ ቡንን ሻሂን ኢትዮጵያ ምስ መንግስቲ ጣሊያንን ባንኪ ንግዲ ኢትዮጵያን ብምትሕብባር ኣብ ኢትዮጵያ ኣፍረይቲ ቡን፣ ኣቕረብቲ ቡንን ኣብቲ ዓውዲ እታወት ኣብ ምውሳኽ ዝተዋፈሩ ኣካላትን ንምሕጋዝ ዘኽእል ልቓሕ ዕላዊ ተገይሩ።

በዚ ድማ መንግስቲ ጣሊያን ነቲ ዓውዲ ዝኸውን 10 ሚሊየን ዩሮ ዝተናወሐ ልቓሕ ዝፈቐደ እንትኸውን፤ ባንኪ ንግዲ ኢትዮጵያ ዝተረኸበ ልቓሕ ናይ ምምሕዳር ሓላፍነት ከምዝዋፃእ ተገሊፁ።

ሚኒስትር ሕርሻ ግርማ ኣመንቴ (ዶ/ር) ኣብቲ እዋን፤ ኢትዮጵያ ብመርሃ ግብሪ ሓምለዋይ ኣሰር ብቢሊየን ዝቑፀር ፈልሲ ቡን ብምትካል መፍረያይነት ንምድንፋዕን ክሌማዊ ለውጢ ንምክልኻልን ዕዙዝ ግደ እናተዋፀአት ምዃና ገሊፆም።

ኣብ ኢትዮጵያ ምትእስሳር እወት ፍርያት ቡን ልዕሊ 5 ሚሊየን ስድራ ከምዝሳተፍ ብምግላፅ፤ እቲ ዓውዲ ፀገም ፋይናንስ ከምዘጋጠሞ ኣልዒሎም።

መንግስቲ ጣሊያን እናገበሮ ዝርከብ ኣገልግሎት ዝተባወሐ ልቓሕ ንመፍረያይነት እቲ ዓውዲ ዕዙዝ ግ ከምዘለዎ ምግላፆም ግዜኢ ፀብፂቡ።