ሚኒስቴር ትምህርቲ ምስ ሚኒስቴር ላዕለዋይ ትምህርቲን ምርምርን ጣሊያን ንምስራሕ ተስማዕሚዑ

ኣዲስ ኣበባ፣ 20 ጥሪ፣ 2017 (ኤፍ ኤም ሲ)ሚኒስቴር ትምህርቲ ምስ ሚኒስቴር ላዕለዋይ ትምህርቲን ምርምርን ጣሊያን ንምስራሕ ዘኽእሎ ስምምዕነት ከቲሙ።

ኣብቲ ሰነድ ስምምዕነት፥ ሚኒስትር ትምህርቲ ብርሃኑ ነጋ(ፕ/ር)ን ሚኒስትር ላዕለዋይ ትምህርቲን ምርምርን ጣሊያን ኣና ማሪያን ክታሞም ኣንቢረሙሉ።

ብርሃኑ ነጋ (ፕ/ር)፥ እቲ ስምምዕነት ኣብ ዓውዲ ትምህርቲ ዝተጀመሩ ስራሕቲ ውፅኢታዊ ንምግባር ዝሕግዝ ኢዩ ኢሎም።

ኣብቲ ዓውዲ ብምትሕብባር ንምስራሕ ዘኽእል ምቹእ ኩነታት ምህላዎም እወን ተዛሪቦም።

ዩንቨርስቲታት ንባዕለን ዘመሓድራ ንክኾና ይስራሕ ከምዘሎ ብምግላፅ፥ ኣብ ዓውዲ ትምህርቲ ምትሕብባር ዘድሊዮም ዛዕባታት ነተን ሚኒስትር ኣብሪሆም።

ኣና ማሪያ ብግደአን፥ ኢትዮጵያ ናይ ጣሊያን መሻርኽቲ ከምዝኾነት ብምግላፅ ክልቲአን ሃገራት ኣብ ዓውዲ ትምህርቲ ብዝለዓለ ምትሕብባር ከምዝሰርሓ ገሊፀን።