ማንቼስተር ሲቲ ምስ ቼልሲ ዝገብርኡ ፀወታ ልዑል ትፅቢት ተገይሩሉ ኣሎ

ኣዲስ ኣበባ፣ 17 ጥሪ፣ 2017 (ኤፍ ኤም ሲ)ሎሚ ኣብ ዝካየድ መበል 23 ሰሙን መርሃ ግብሪ ፕሪሚየር ሊግ እንግሊዝ ማንቼስተር ሲቲ ምስ ቼልሲ ዝገብርኡ ፀወታ ልዑል ትፅቢት ተገይሩሉ ኣሎ።

እቲ ፀወታ ሰዓት 2፡30 ምሸት ዝካየድ እንትኸውን፥ ሩበን ዲያዝን ጀረሚ ዶኩን ብምኽኒያት መጉዳእቲ ኣይስለፉን።

ኣብ ጋንታ እኩብ ማንቼስተር ሲቲ፥ ሓደሽቲ ፈረምቲ ኤማር ማርሙሽ፣ ቪቶር ሬይስን ዓብዱኮዲረ ኩሳኖቭን ከምዝህልዉ ኣሰልጣኒ ፔፕ ጓርዲዮላ ኣፍሊጡ።

ብወገን ቸልሲ፥  ሌቪ ኮልዊልን ኤንዞ ፈርናንዴዝን ካብ ዝነበሮም መጉዳእቲ ብምሕዋይ ኣብ ናይ ሎሚ ፀወታ ክስለፉ ኢዮም።

ኣብ ተመሳሳሊ ሰዓት 12፡00 ድማ፥ ቦርንማውዝ ምስ ኖቲንግሃም ፎረስት፣ ብራይተን ምስ ኤቨርትን፣ ሊቨርፑል ምስ ኢፕስዊች ታውን፣ ሳውዝአምፕተን ምስ ኒውካስል ዩናይትድ ከምኡውን ዎልቭስ ምስ ኣርሰናል ክጋጠማ ኢየን።