ማእኸል ኢንተርናሽናል ኮንቬንሽን ኣዲስ ካብ ኮንፍረንስ ቱሪዝም ዝርከብ ኣታዊ ክብ ከምዘብል ተሓቢሩ

ኣዲስ ኣበባ፣ 25 ለካቲት፣ 2017 (ኤፍ ኤም ሲ)ማእኸል ኢንተርናሽናል ኮንቬንሽን ኣዲስ ካብ ኮንፍረንስ ቱሪዝም ዝርከብ ኣታዊ ክብ ዘብል ከምዝኾነ ሚኒስቴር ቱሪዝም ኣፍሊጡ፡፡

ሚኒስትር ዴኤታ ቱሪዝም እንደገና ኣበበ (ዶ/ር) ንፋና ሚዲያ ኮርፖሬሽን ከምዝበሉዎ÷ እቲ ማእኸል ሰፋሕቲ ኣገልግሎታት ንኽህብ ተሓሲቡ ዝተሃነፀ ኢዩ።

እቲ ማእኸል ኮንፍረንስ ቱሪዝም ንኽስፋሕፋሕ ዝህልዎ ግደ ብዝተሓሰበሉ ልክዕ ክዋፃእ ንምግባር ምስ ዝምልከቶም ኣካላት ብምውዳድ እናተሰርሐ ምዃኑ እውን ገሊፁ።

ማእኸል ኢንተርናሽናል ኮንቬንሽን ኣዲስ ደረጃኡ ዝሓለወ ምዃኑ ንዓለም ለኸ ማሕበረሰብ ብዝተፈላለዩ ኣማራፂታት መራኸቢ ናይ ምፍላጥ ተግባራት ኣብ ቀፃሊ ከምዝውገን ኣብሪሆም፡፡

ኣዲስ ኣበባ ማእኸል ዲፕሎማሲ ምዃና ብዝበለፀ ዘጎለብት ብምዃኑ ዕዙዝ ዓወት ከምዝኾነ እውን ተዛሪቦም።

ብሰለሞን ይታየው