ምምሕያሽ ማክሮ ኢኮኖሚ ተግባራዊ ድሕሪ ምዃኑ ቀረብ ሸርፊ ወፃኢ ብልዑል ብርኪ ወሲኹ – ፍፁም ኣሰፋ (ዶ/ር)

ኣዲስ ኣበባ፣ 10 መጋቢት፣2017 (ኤፍ ኤም ሲ)ኣብ ኢትዮጵያ ምምሕያሽ ማክሮ ኢኮኖሚ ተግባራዊ ካብ ዝኸውን ኣትሒዙ ቀረብ ሸርፊ ወፃኢ ብልዑል ብርኪ ምውሳኹ ሚኒስትር ፕላንን ልምዓትን ፍፁም ኣሰፋ (ዶ/ር) ገሊፀን፡፡

እተን ሚኒስትር÷ ቤት ፅሕፈት ቀዳማይ ሚኒስትር ካብ ማሕበረሰብ ዝተለዓሉ ሕቶታት ምላሽ ንምሃብ ኣብ ዘዳለዎ መድረኽ ቀሪበን ምላሽን መብርሂ ሂበን፡፡

ብምኽንያት ሕፅረት ሸርፊ ወፃኢ ዝተዓፀዉ ፋብሪካታት ከምዘለዉ ዝተሓተታ እተን ሚኒስትር÷ ኣብዚ ሕዚ እዋን ኣብ ኢትዮጵያ ብሸርፊ ወፃኢ ንኢንዱስትሪታት መሓዉራዊ ፀገም ዝኾነሉ ኩነታት ከምዘየለ ኣረጋጊፀን፡፡

ኣብ ኢትዮጵያ ምምሕያሽ ማክሮ ኢኮኖሚ ትግባራዊ ካብ ዝኸው ኣትሒዙ ቀረብ ሸርፊ ወፃኢ ብልዑል ብርኪ ምውሳኹ ተዛሪበን፡፡

ብጎስጓስ “ኢትዮጵያ ተፍሪ” ብምኽንያት ሃገራዊን ዓለም ለኻዊን ፀገማት ምፍራይ ደው ኣቢሎም ዝነበሩ 395 ፋብሪካታት ዘጋጠሞም ፀገማት ብምፍታሕ ከምበሓዱሽ ስራሕ ክጅምሩ ከምዝተገበረ ገሊፀን፡፡

ብሃይለማርያም ተገኝ