Fana: At a Speed of Life!

ምስ ዲፕሎማቲክ ማሕበረሰብ ብምትሕብባር ንምስራሕ ምርድዳእ ተገይሩ- ቢቂላ ሁሪሳ (ዶ/ር)

ኣዲስ ኣበባ፣ 18 ለካቲት፣ 2017 (ኤፍ ኤም ሲ)ምስ ዲፕሎማቲክ ማሕበረሰብ ብምትሕብባር ንምስራሕ ምርድዳእ ከምዝተገበረ ሓላፊ ዓውዲ ርክብ ህዝብን ዓለምለኸን ፓርቲ ብልፅግና  ቢቂላ ሁሪሳ (ዶ/ር) ገሊፆም።

ኣብ ኣንፈታትን ውሳነታትን መበል ካልኣይ ስሩዕ ጉባኤ ፓርቲ ብልፅግና ጠመተ ዝገበረ ምስ ተወከልቲ ዲፕሎማቲክ ማሕበረሰብን ዓለም ለኸ ትካላትን ብመሪሕነት እቲ ፓርቲ በቢዓውዱ ዝተረኸቡ ውፅኢታትን ኣብቲ ጉባኤ ዝተቐመጡ ኣንፈታትን ከምኡውን ውሳነታት መብርሂ ቀሪቡ ዘተ ተገይሩሉ።

ቢቂላ ሁሪሳ (ዶ/ር) ኣብ ዝሃብዎ መብርሂ፥ ፓርቲ ብልፅግና ኣብ መበል ካልኣይ ስሩዕ ጉባኤኡ ናይ ኢትዮጵያ ህዝቢ ፖለቲካዊ፣ ማሕበራዊን ኢኮኖሚያዊን ተረባሕነት ዘርእዩ ውሳነታትን ኣንፈታትን ኣቐሚጡ ኢዩ ኢሎም።

እቶም ውሳነታትን ኣንፈታትን ብኣግባቡ ዝትግብሩ መዳርግቲ ኣካላት እኹል ግንዛበ እንትህልዎም ከምዝኾነ እወነ ተዛሪቦም።

ሎሚ ዝተገበረ ዘተ እውን ናይዚ ሓደ ኣካል ከምዝኾነ ሓቢሮም።

እቲ ፓርቲ ኣብ ኩሎም ዓውዲታት ዘመዝገቦም ዓውታት ንምቕፃል እቶም ምትሕብባራት ወሰንቲ ከምዝኾኑ ገሊፆም።

ምስ ዲፕሎማቲክ ማሕበረሰብ ኣብ ዝተፈላለዩ ዓውዲታት ሓበራዊ ምርድዳእ ዝተገበረሉ ከምዝኾነ እውን ኣብሪሆም ክብል ግዜኢ ፀብፂቡ።

ኣብ ዋና ቤት ዕዮ ፓርቲ ብልፅግና ዳይሬክተር ዓለም ለኸ ርክብ ኣይተ ነብዩ ስሑል ብግደኦም፥ ናይ ፓርቲ ብልፅግና ሓሳባት ካብ ኢትዮጵያ ሓሊፉ ብብርኪ ኣይጉርን ዓለም ለኸን ተቐባልነት ዘለዎ ንክኸውን ተግባራዊ ስራሕቲ ከምዝተጀመሩ ተዛሪቦም።

ምስ ዲፕሎማቲክ ማሕበረሰብን ዓለም ለኸ ትካላትን ሎሚ ዝተገበረ ዘተ እውን፥ ካብ መንጎ ተግባራዊ ምንቅስቓሳት ከምዝኾነ ሓቢሮም።

ኣብ ዝቕፅሉ ሰለስተ ዓማውቲ ጥንካረታት ብምቕፃልን ፈተናታት ናብ ዕድል ብምቕያርን ንዝሓሸ ውፅኢት ምርብራብ ከምዝግበር ተዛሪቦም።

 

You might also like

Leave A Reply

Your email address will not be published.