Fana: At a Speed of Life!

ሰራዊት ዓቃቢ ሰላም ኢትዮጵያ ግቡኡ ብብቕዓት እናተዋፀአ ከምዝኾነ ተሓቢሩ

ኣዲስ ኣበባ፣ 19 ለካቲት፣ 2017 (ኤፍ ኤም ሲ)ሰራዊት ዓቃቢ ሰላም ኢትዮጵያ ግቡኡ ብዝለዓለ ብቕዓት እናተዋፀአ ከምዝኾነ ኣብ ሕቡራት መንግስታት ኣዛዚ ሓይሊ ዓቃቢ ሰላም ደቡብ ሱዳን ሌ/ጄኔራል ምሃን ሰበርማኒያን ገሊፆም።

ኣብ ደቡብ ሱዳን ንዝርከብ መበል 19 ሞተራይዝድ ሻለቃ ሓይሊ ዓቃቢ ሰላም ኢትዮጵያ ስነ-ስርዓት ምልባስ ሜዳሊያ ተኻይዱ፡፡

እቶም ሌተናል ጄኔራል ኣብቲ እዋን፤ “ሓይሊ ዓቃቢ ሰላም ኢትዮጵያ ጥንኩር፣ ንፀገማት ዘይብዳህን ዘይምበርከኽን ዝተውሃቦ ልኡኽቶ ብዝለዓለ ብቕዓት እናተዋፀአ ዝርከብ ኢዩ” ኢሎም፡፡

እቲ ሰራዊት ንህዝቢ ደቡብ ሱዳን ዘበርከቶ ኩለመዳይ ሓገዝ ህዝባዊነቱ ዘረጋግፅ ኢዩ ምባሎም ካብ ማሕረባዊ ሚዲያ ሰራዊት ምክልኻል ዝረኸብናዮ ሓበሬታ የረድእ፡፡

“ሰራዊት ኢትዮጵያ ኣብ ዝኾነ ይኹን ልኡኽ ምኽባር ሰላም ተዋፊሩ ግቡኡ ብዝለዓለ ኩነታት ዝፍፅም ከምዝኾነ ኣብ ደቡብ ሱዳን ወፍሩ ኣረጋጊፁ ኢዩ” ኢሎም፡፡

You might also like

Leave A Reply

Your email address will not be published.