ስትራቴጂክ ትልሚ ሰለስተ ዓመት ዓውዲ ትራንስፖርት ባቡር ዕላዊ ኮይኑ

ስትራቴጂክ ትልሚ ሰለስተ ዓመት ዓውዲ ትራንስፖርት ባቡር ዕላዊ ኮይኑ

ኣዲስ ኣበባ፣ 16 ጥሪ፣ 2017 (ኤፍ ኤም ሲ)ዓቕሚ ትራንስፖርት ባቡር ከዕቢ ዝኽእል ስትራቴጂክ ትልሚ ሰለስተ ዓመት ዓውዲ ትራንስፖርት ባቡር ዕላዊ ከምዝተገበረ ዋና ፈፃሚ ስራሕ ማሕበር ኣክሲዮን ባቡር ኢትዮ- ጅቡቲ ታከለ ኡማ(ኢ/ር) ገሊፆም፡፡

እቶም ዋና ፈፃሚ ስራሕ ኣብ ማሕበራዊ ሚዲያ ገፆም ከምዝሓበሩዎ÷ ምስ ሚኒስቴር ትራንስፖርትን ሎጂስቲክስን ብምዃን እቲ ስትራቴጂክ ትልሚ ሰለስተ ዓመት ዕላዊ ተገይሩ፡፡

እቲ ስትራቴጂክ ትልሚ ዓቕሚ ፅዕነት ትራንስፖርት ባቡር ኢትዮ-ጂቡቲ ዘዕቢን ሓደሽቲ ኮሪደራት ትራንስፖርት ንምኽፋት ዝሕግዝን ከምዝኾነ ገሊፆም፡፡

ካብዚ ብተወሳኺ ትራንስፖርት ባቡር ቅልጡፍ ክገብሩ ዝኽእሉ ዓለም ለኸ ተሞክሮታት ተግባራዊ ከምዝግበሩሉ ኣብሪሆም፡፡

ዓውዲ ሎጂስቲክ እታ ሃገር ንምቅልጣፍ ዝሕግዝ ስትራቴጂክ ትልሚ ከምዝኾነ ዝሓበሩ እቶም ዋና ፈፃሚ ስራሕ÷ እዚ ድማ ኢኮኖሚ ኣብ ምዕባይ ልዑል ኣስተዋፅኦ ከምዝህልዎ ኣመልኪቶም፡፡