ቀ/ሚ ኣቢይ(ዶ/ር) ጉባኤ ሕብረት ኣፍሪካ ብዓወት ንክዛዘም ዝከኣሎም ንዝገበሩ ኩሎም አመስጊኖም

ኣዲስ ኣበባ፣ 10 ለካቲት፣ 2017 (ኤፍ ኤም ሲ)መበል 38 ጉባኤ መራሕቲ ሕብረት ኣፍሪካ ተዛዚሙ።

ቀዳማይ ሚኒስትር ኣቢይ ኣሕመድ(ዶ/ር)ጉባኤ ሕብረት ኣፍሪካ ብዓወት ንክዛዘም ዝከኣሎም ንዝገበሩ ኩሎም አመስጊኖም።

እቶም ቀዳማይ  ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ሃገርና ኢትዮጵያ እወን ከም መጠን መቐመጢት እቲ ሕብረት ትፅቢት ዝግበረላ ኩሉ ፈፂማ ኢያ ኢሎም።

እቲ ዝተገበረ እንግዶትን መርሃ ግብሪታትን ነቶም ኣጋይሽ ዘደመመ ከምዝኾነ ሓቢሮም።

እቶም ኣጋይሽ ዘይርሳዕ መዘከርታ፣ ዘይኣርግ ትዝታ ነክህልዎም ገይራ ኢያ። ብመሰረት እዚ ናይ ፃንሒት እዋኖም ዘናውሑ ኣጋይሽ ብዙሓት ኢዮም ኢሎም።

ኢትዮጵያ ንምዕዋት ዕላማታትን መትከላትን እቲ ሕብረት ዘለዋ ቁርፀኝነት ኣብቲ ጉባኤ ምድላውን እንግዶትን ብተግባር ከምዘርኣየት አወን ገሊፆም።

ጉባኤ መራሕቲ ሕብረት ኣፍሪካ ብዓወት ንክዛዘም ዝከኣሎም ንዝገበሩ ኩሎም ድማ አመስጊኖም።

ሀዝቢ ከተማ ኣዲስ ኣበባ ነቶም ኣጋይሽ ግቡእ ክብሪን እንግዶትን ብምሃብ፣ መገዲታት እንትዕፀዉ ብትዕግስቲ ብምፅባይ፣ ነቲ ጉባኤ ዕዉትነት ትፅቢት ዝግበረሉ ኩሉ ምግባሩ አመስጊኖም።

ብመሰረት እዚ ብስም መንግስቲ ኢትዮጵያን ብባዕሎምን ምስጋና ኣቕሪቦም።