ባህር ዳር ሰላማዊ ካብ ምዃና ንላዕሊ እናተወገኑ ዝርከኑ ስራሕቲ ልምዓት ጭቤት እታ ከተማ ዘረጋግፁ ኢዮም – ም/ቀ ሚኒስትር ተመስገን ጥሩነህ

ኣዲስ ኣበባ፣ 25 ለካቲት፣ 2017 (ኤፍ ኤም ሲ)ባህር ዳር ሰላማዊ ካብ ምዃና ንላዕሊ እናተወገኑ ዝርከኑ ስራሕቲ ልምዓት ጭቤት እታ ከተማ ዘረጋግፁ ከምዝኾኑ ምክትል ቀዳማይ ሚኒስትር ተመስገን ጥሩነህ ገሊፆም፡፡

እቶም ምክትል ቀዳማይ ሚኒስትር ኣብ ከተማ ባህር ዳር እናተወገኑ ዝርከቡ ስራሕቲ ልምዓት ኮሪደርን ካልኦት ስራሕቲ ልምዓትን ጎብኒዮም።

ዑደቶም ኣመልኪቶም አብ ዝሃቡዎ ምብርሂ፤ ኣብ ምዝዛም ዝርከብ ቀዳማይ ምዕራፍ ልምዓት ኮሪደር ፅባቐ እታ ከተማ ክብ ዘብል ኢዩ ኢሎም።

“ወሰናወሰን ጣና ንህዝቢ ክፍቲ ናይ ምግባርን ምስ ዋና ዋና መገዲታት እታ ከተማ ናይ ምርኻብ ስራሕቲ፣ ሰፋሕቲ ናይ እግረኛን ብስክሌትን መገዲታት ብፅሬት ኣብ ምህናፅ ከምዝኾኑ ተዓዚብና” ብምባል ገሊፆም።

የኮሪደር ልማቱ የመብራት ስማርት ፖሎችን ጨምሮ ግብዓቶች በክልሉ በሚገኙ ፋብሪካዎች የሚመረት መሆኑም ትልቅ አቅም ፈጥሯል ነው ያሉት።

ሓፈሻዊ ስራሕቲ ልምዓት ኣብ ሓፂር እዋን ብምዝዛም ንህዝቢ ክፍቲ ከምዝኸውን ብምሕባር፤ ኣብ ቀረባ እዋን ካልኣይ ምዕራፍ ከምዝጅመር ሓቢሮም።

ነታ ከተማ ልዑል ፅባቐን ፍልፍል እቶትን ዝኾነ ህንፀት ዓለም ለኸ ስታዲየም ባህርዳር እውን ኣብ ምዝዛም ከምዝኾነ ምዕዛቦም ገሊፆም ክብል ግዜኢ ፀብፂቡ።

እቲ ስታዲየም ዙሪያኡ ውቁብ ምስሊ ንኽህልዎ ከምዝተገበረ ዝነኣዱ እቶም ምክትል ቀዳማይ ሚኒስትር፤ ኣብዚ ዓመት ብምዝዛም ፀወታታት ንኸተኣናግድ እናተሰርሐ ምዃኑ ፀሪሖም።

መርሃ ግብሪ ትሩፋት ሌማት እታ ከተማ ኣብ ዝበረታታዕ ጉዕዞ ከምዝኾነ ብምግላፅ፤ ኣብቲ ዓውዲ ብዙሓት መናእሰይ ምውፋሮም ንዕዉትነቱ ልዑል ዓቕሚ ከምዝኾነ ገሊፆም።

እታ ከተማ ሰላማዊ ድባብ ዝረአየላ፣ በፃሕቲ ብስፍሓት ዝንቀሳቐሱላ ብምዃን ብዙሓት ስራሕቲ ልምዓትን ኢንቨስትመንትን እናተቀላጠፉ ምዃኖም ዕቤት እታ ከተማ ዘረጋግፁ ከምዝኾኑ ገሊፆም።