ብገበን ቅትለት ሓበን የማነ ዝተኸሰሰ ውልቀሰብ ብዕድመ ልክዕ ፅንኑዕ ማእሰርቲ ክቕፃዕ ተወሲኑ

ኣዲስ ኣበባ፣ 28 ጥሪ፣ 2017 (ኤፍ ኤም ሲ)ብገበን ቅትለት ሓበን የማነ ዝተኸሰሰ ዳዊት ዘርኡ ዝተብሃለ ውልቀሰብ ብዕድመ ልክዕ ፅንኑዕ ማእሰርቲ ንኽቕፃዕ ተወሲኑሉ።

ጉዳይ ገበን ቅትለት ሓበን የማነ ክከታተል ዝፀነሐ ማእኸላይ ቤት ፍርዲ ከተማ መቐለ ሎሚ 28 ጥሪ 2017 ዓ/ም ኣብ ዝወዓለ መጋባእያ የማን ፀጋም ተኸራኸርቲ ወገናት ብምስማዕ ተኸሳሲ ዳዊት ዘርኡ ኣብ ልዕሊ ፍቅረኝኡ ዝነበረት መዋቲት ሓበን የማነ ካብ ቅንኢ ዝተበገሰ ኣብ ዝተፈላለየ ኣካላታ 8 ግዘ ብኻራ ብምውጋእ ብተወሳኺ እውን ብጁስ መስተዪ ብርጭቆ ኣብ ርእሳ ብምውቃዕ ግፍዓዊን መስካሕክሒን ብዝኾነ መንገዲ ከምዝቀተላ ኣረጋጊፁ እዩ።

ብመሰረት እዚ ሎሚ ተሰይሙ ዝወዓለ ማእኸላይ ቤት ፍርዲ ከተማ መቐለ ብመቅፅዒ ገበን ሕጊ 539(1)ሀ ብዕድመ ልክዕ ፅንኑዕ እስራት ክቅፃዕ ወሲኑ።