ታጂኪስታን ንስግግር ሓምለዋይ ኢኮኖሚ ኢትዮጵያ ንኢዳ

ኣዲስ ኣበባ፣ 14 ለካቲት፣ 2017 (ኤፍ ኤም ሲ)ኣምባሳደር ኢትዮጵያ ኣብ ፓኪስታን ጀማል በከር ምስ ሚኒስትር ንግዲን ኢኮኖሚ ልምዓትን ታጂኪስታን ዛቭኪዞዳ ዛቭኪ ኣሚን ተዛቲዮም።

ኣብዘተኦም ድማ ኣምባሳደር ጀማል÷ ኢትዮጵያ ናብ ሓምለዋይ ኢኮኖሚ ዝገበረቶ ዕዉት ስግግር ኣመልኪቶም ነቶም ሚኒስትር ገለፃ ገይሮም፡፡

ኢትዮጵያ ንክሌማዊ ለውጢ ዘይብዳህ ሓምለዋይ ኢኮኖሚ ንምርግጋፅ ብዙሓት ተበግሶታ ከምዝጀመረት እውን ኣብሪሆም፡፡

በዚ ድማ ሕርሻ፣ ማይን ሓይሊን ክሌማዊ ለውጢ ክፃወር ዘኽእል ብሄራዊ ትልሚ መስተኻኸሊ ከምዝተጀመረ ኣልዒሎም፡፡

ብመርሃ ግብሪ ሓምለዋይ ኣሰር ኣብ ኢትዮጵያ ልዕሊ 40 ቢሊየን ፈልሲታት ከምዝተተኸሉ ምግላፆም ካብቲ ኤምባሲ ዝረኸብናዮ ሓበሬታ የረድእ፡፡

ዛቭኪዞዳ ዛቭኪ ኣሚን ብግደኦም÷ ኢትዮጵያ ናብ ሓምለዋይ ኢኮኖሚ ዝገበረቶ ዕዉት ሰግግር ንኢዶም፡፡

ኣብ ዓውዲታት ኢንቨስትመንት፣ ዝሕደስ ሓይሊን ካልኦትን ክልተኣዊ ምትሕብባር ንምድንፋዕ መንግስቶም ብቖራፅነት ከምዝሰርሕ ኣረጋጊፆም፡፡