ትካላዊ ሪፎርም ሕብረት ኣፍሪካ መሰረታዊ ለውጢ ብዘመፅእ መገዲ ይካየድ ኣሎ – ሙሳ ፋቂ ማሃማት

ኣዲስ ኣበባ፣ 8 ለካቲት፣ 2017 (ኤፍ ኤም ሲ)ትካላዊ ሪፎርም ሕብረት ኣፍሪካ መሰረታዊ ለውጢ ብዘመፅእ መገዲ ይካየድ ከምዘሎ ኣቦ መንበር ኮሚሽን ሕብረት ኣፍሪካ ሙሳ ፋቂ ማሃማት ገሊፆም።

መበል 38 ጉባኤ መራሕቲ ሕብረት ኣፍሪካ “መከሓሓሲ ፍትሒ ንኣፍሪካዊያን ወለዶ ኣፍሪካዊያንን” ብዝብል መሪሕ ሓሳብ ኣብ ኣዲስ ኣበባ ይካየድ ኣሎ።

ኣብቲ ጉባኤ ቀዳማይ ሚኒሰተር ኣቢይ ኣሕመድ(ዶ/ር)፣ ፕሬዚዳንት ሞሪታኒያን ኣቦ መንበር ሐብረት ኣፍሪካ ሞሃመድ ኡልድ ጋዙዋኒ፣ ኣቦ መንበር ኮሚሽን ሕብረት ኣፍሪካ ሙሳ ፋቂ ማሃማት፣ ዋና ፀሓፊ ሕቡራት መንግስታት ኣንቶኒዮ ጉቴሬዝ፣ መራሕቲ ዝተፈላለያ ሃገራት ኣፍሪካ፣ ቀዳመይቲ ሚኒስትር ባርባዶስ ማያ ሞተሊ፣  መራሒ ፍሊስጤም ማሕሙድ ኣባስን ሓለፍቲ ኣህጉራዊን ዓለም ለኻዊን ትካላት ተረኺቦም።

ሙሳ ፋኪ ማሃማት ኣብቲ ጉባኤ ከምዝበልዎ፥ ኣብ ኣፍሪካ ኣብ ዝሓለፉ 10 ዓማውቲ በፍላይ ጎንፂን ኮቪድ 19ን ኣብ መንግስቲን ፍሰት ኢንቨስትመነት ውልቀ ዓውዲን ኣዝዮም ፈተንቲ ነይሮም።

ኣብ መንጎ ሩሲያን ዩክሬንን ዘጋጠመ ኲናት ኣብ ቀረብ ፍሪያት ግብርና ምንካይ ብምምፃእ ኣብ ልዕሊ ኣፍሪካዊያን ብቐጥታ ይኹን ተዘዋዋሪ ፅዕንቶ ከምዘሕደረ ገሊፆም።

ይኹን እንበር ኣብ እቶም ዓማውቲ ኣብቶም ቀጣናዊን ዓለም ለኻዊን ፀገማት ብምዃን ጭቡጥ ለውጢ መምዝጋብ ከምዝተኽኣለ ኣብሪሆም።

ኣብ ዓውዲ ኢኮኖሚ፣ ክሊማዊ ለውጢ፣ ተበፃሕነት ትምህርቲ፣ ሰብኣዊ ደገፍ ከምኡወን ጎንፅታት ብሰለማዊ መገዲ ኣብ ምፍታሕ ዝተገበረ ፃዕሪ እወንታዊ ከምዝነበረ ተዛሪቦም።

ናፃ ቀጣና ኣህጉራዊ ንግዲ ኣፍሪካ ሓደ መርኣዪ ዕዉትነት ከምዝኾነ እውን ገሊፆም።

ሕብሩት መንግስታት ምስ ሕብረት ኣፍሪካ ንዘለዎ ሽርክና ምስጋና ኣቕሪቦም።

ኣብ ሱዳን፣ ዲሞክራቲክ ሪፐብሊክ ኮንጎ ዘሎ ጎንፂ ከምዘተሓሳስቦም ብምግላፅ፥ ኣብ መንጎ ኣብ ሊቢያ ዘለዉ ተፃይ ሓይሊታት ትማሊ ዝተጀመረ ስምምዕነት ብእወንታ ገሊፀምዎ።