Fana: At a Speed of Life!

ቶዮ ሶላር ኣብ ፍሉይ ዞባ ኢኮኖሚ ሃዋሳ ፈተነ ፍሪያት ምፍራይ ጀሚሩ

ኣዲስ ኣበባ፣ 20 ለካቲት፣ 2017 (ኤፍ ኤም ሲ)ኣብ ፍሉይ ዞባ ኢኮኖሚ ሃዋሳ ብ60 ሚሊየን ዶላር ዝተፈላለዩ ሶላር ፓኔላት ንምፍራይ ዝኣተወ ኩባኒያ ቶዮ ሶላር  ጃፓን ስራሕቲ ተኸላ ማሽን ብምዝዛም ፈተነ ፍሪያት ምፍራይ ጀሚሩ።

ዋና ኣፈፃሚ ስራሕ ኮርፖሬሽን ልምዓት ፓርክታት ኢንዱስትሪ ፍሰሃ ይታገሱ (ዶ/ር)፥ ኣብቲ ፍሉይ ዞባ ኢኮኖሚ ፈተነ ፍሪያት ኣብ ምፍራይ ዝርከብ እቲ ኩባኒያ ሓፈሻዊ ምንቅስቓስ ስርሑ ተዘዋዊሮም ተዓዚቦም።

እቲ ዋና ኣፈፃሚ ስራሕ፥ እቲ ኩባኒያ ብሙሉእ ዓቕሙ ናብ ምፍራይ ንክኣቱ እቲ ኮርፖሬሽን ኣድላዪ ደገፍ ምግባሩ ኣጠናኺሩ ከምዝቕፅል ኣረጋጊፆም።

ቶዮ ሶላር ስራሕቲ ህንፀቱ ሙሉእ ብሙሉእ ብምዝዛም ቀፃሊ ወርሒ መጋቢት 2017 ዓ.ም ሙሉእ ብሙሉእ ናብ ፍሪያት ከምዝኣቲ ኣመኘራርሓ እቲ ኩባኒያ ገሊፆም።

You might also like

Leave A Reply

Your email address will not be published.