ናይ ለውጢ መንግስቲ ፀገማት ብሰላም ንምፍታሕ ዘለዎ ፅኑዕ ቅዋም ብተግባር ኣርኢዩ ኢዩ – ኣይተ መሓመድ እድሪስ

ኣዲስ ኣበባ፣ 30 ለካቲት፣ 2017 (ኤፍ ኤም ሲ)መንግስቲ ካብ ፅባሕ ለውጢ ጀሚሩ ፀገማት ብሰላም ንምፍታሕ ዘለዎ ፅኑዕ ቅዋም ብተግባር ከምዘርአየ ሚኒስትር ሰላም መሓመድ እድሪስ ገሊፆም።

እቶም ሚኒስትር መንግስቲ ቅድሚ ለውጢ ዝነበሩ ስብራታት ፖለቲካ ንምፅጋን፣ ዝኾነ ይኹን ፖለቲካዊ ፀገም ብልዝብ ክፍታሕ ከምዘለዎ ግልፂ ቅዋም ብመሓዝ ብዙሓት ስጉምቲታት ከምዝወሰደ ኣብሪሆም።

በዚ ድማ ንኢትዮጵያ ናብ ዝተሓላለኸ ፀገም ዘቃልዑ ድሑራት ልምዲታት ፖለቲካን ንፅል ያታታትን ናይ ምትራፍ ስራሕ ብስፍሓት ከምዝወገነ ተዛሪቦም።

ፖለቲካዊ ዕላማኦም ብሓይሊ ንምዕዋት ዕጥቂ ተሐንጊጦም ዝንቀሳቐሱ ኣካላት ድሌቶም ናብ ጠረጴዛ ዘተ ንኸምፅኡ ኩሉ ግዘ ንሰላም በሩ ክፍቲ ብምግባር ብዙሕ ርሕቐት ከምዝተጉዓዘ ኣልዒሎም።

በዚ ደማ ብዙሓት ዕጡቓት ካብ ናይ ሓይሊ ኣማራፂን ጎንፂን ጉድኣት እምበር ረብሓ ከምዘየለ ብምግንዛብ ፃውዒት ሰላም መንግስቲ ብምቕባል ንሰላምን ልምዓትን ግደኦም እናተዋፅኡ ከምዝኾኑ ተዛሪቦም።

“መንግስቲ ዘላቒ ሰላም ኣብ ምዕሳልን ህብረ ብሄራዊ ሓድነት ኣብ ምጥንኻኻ ህንፀት ሃገረ መንግስቲ ጋህዲ ንምግባር ዘተኣኻኽቡ ተረኻት ናይ ምጥንኻር ስራሕቲ እናወገነ ይርከብ” ኢሎም፡፡

መንግስቲ ካብ ፅባሕ ለውጢ ጀሚሩ ፀገማት ብሰላም ንፍታሓ ዘለዎ ፅኑዕ ቅዋም ብተኸታታሊ ብተግባር ከምዘርአየ ብምግላፅ÷ ኣብ ቀፃሊ እውን ኣጠናኺሩ ከምዝቕፅል ኣረጋጊፆም።

ብምዃኑ ድማ ልሂቃን ፖለቲካ ሰላም ዘፅንዑን ሓድነት ዘጠናኽሩን ሓሳበባት ብምፍልፋል ግደኦም ንኽዋፅኡ ምሕታቶም ግዜኢ ፀብፂቡ፡፡