ናይ ነዊሕ እዋን ምሕዝነት ኢትዮጵያን ሩሲያን ብቁጠባዊ ሃፍቲ ምትሕብባር ተጠናኺሩ ክቕፅል ኢዩ – ኣፈ-ጉባኤ ታገሰ ጫፎ

ኣዲስ ኣበባ፣ 12 ለካቲት፣ 2017 (ኤፍ ኤም ሲ)ናይ ነዊሕ እዋን ምሕዝነት ኢትዮጵያን ሩሲያን ብቁጠባዊ ሃፍቲ ምትሕብባር ተጠናኺሩ ከምዝቕፅል ኣፈ-ጉባኤ ባይቶ ወከልቲ ህዝቢ ታገሰ ጫፎ ገሊፆም።

ኣፈ-ጉባኤ ታገሰ ጫፎ ብኣዶ መምበር ቤት ምኽሪ ፌዴሬሽን ፌዴራል ሩሲያ ጉባኤ ቫለቲና ማትቬንኮ ምስ ዝተመርሐ ጉጅለ ልኡኽ ኣብ ቤት ፅሕፈተን ብምቕባል ኣዘራሪቦም፡፡

ኣፈጉባ ታገሰ ኣብቲ እዋን÷ ሩሲያ ምስ ኢትዮጵያ ነዊሕ እዋን ምሕዝነት ከምዘለዋ ብምግላፅ፤ እቲ ምሕዝነት ብምትሕብባር ቁጠባዊ ሃፍቲ ተጠናኺሩ ከምዝቕፅል ተዛሪቦም፡፡

ሩሲያ ኣብ ዓለም ለኸ መድረኻ ረብሓ ኢትዮጵያ ንምሕላው ኣብ ጎኒ ኢትዮጵያ ጠጠው ከምትብል ብምሕባር÷ እቲ ርክብ ኣብ ቀፃሊ እውን ተጠናኺሩ ከምዝቕጥል ገሊፆም፡፡

ኣዶ መምበር ቤት ምኽሪ ፌዴሬሽን ፌዴራል ሩሲያ ጉባኤ ቫለቲና ማትቬንኮ÷ ዝፀንሐ ምሕዝነት ክልቲአን ሃገራት ብቁጠባዊ ሃፍቲ፣ ብንግዲን ኢንቨስትመንትን ክቕፅል ንምግባር ሃገረን ድሌት ከምዘለዋ ተዛሪበን፡፡