ኔዘርላንድስ ምስ ኢትዮጵያ ዘለዋ ምትሕብባር ከምተጠናኽር ገሊፃ

ኣዲስ ኣበባ፣ 14 ጥሪ፣ 2017 (ኤፍ ኤም ሲ)ኔዘርላንድስ ኣብ ዝተፈላለዩ ዓውዲታት ምስ ኢትዮጵያ ዘለዋ ምትሕብባር ብዝበለፀ ንምጥንኻር ቆራፅ ከምዝኾነት ገሊፃ፡፡

ሚኒስትር ዴኤታ ገንዘብ ኢዮብ ተካልኝ (ዶ/ር) ምስ ፍሉይ ልኡኽ ቀርኒ ኣፍሪካ ሚኒስቴር ጉዳያት ወፃኢ ኔዘርላንድስ ስቲጅን ጃንሰን ተዛቲዮም፡፡

ኣብ ዘተኦም ድማ÷ ኣብ ክልተኣዊ ምትሕብባርን ዞባዊ ምትእስሳርን እተን ሃገራት ብትጉረት ተመያይጦም፡፡

ኢዮብ ተካልኝ (ዶ/ር)÷ ኣብ ቀረባ እዋን ኣብ ኢትዮጵያ ዝተኻየደ ከይዲ ምምሕያሽ ማክሮ ኢኮኖሚ ብምድሃብ ገለፃ ገይሮም፡፡

ስቲጅን ጃንሰን ብግደኦም÷ ሓፈሻዊ ለውጢ መመሓየሺ ማክሮ ኢኮኖሚ ኢትዮጵያ ምንኣዶም ሓበሬታ እቲ ሚኒስቴር የመላኽት፡፡

ኔዘርላንድስ ምስ ኢትዮጵያ ኣብ ዓውዲታት ኢንቨስትመንት፣ ልምዓት፣ ንግዲን ካልኦትን ዘለዋ ምትሕብባር ንምጥንኻር ቆራፅ ከምዝኾነት እውን ኣረጋጊፆም፡፡