ኔዘርላንድስ ካብ ስደት ተመለስቲ ተተሓሒዙ ኢትዮጵያ ትገብሮ ፃዕሪ ከምትድግፍ ገሊፃ

ኣዲስ ኣበባ፣ 28 ጥሪ፣ 2017 (ኤፍ ኤም ሲ)ኢትዮጵያ ምስ ስደትን ካብ ስደት ተመለስቲን ተተሓሒዙ እናወገነቶ ትርከብ ፃዕሪ ኔዘርላንድስ ከምትድግፍ ኣብ ሚኒስቴር ፍትሒን ድሕንነትን እታ ሃገር ዳይሬክተር ዓለም ለኸ ጉዳያት ሮብ ቫን ባህሆቨን ገሊፆም።

ዋና ዳይሬክተር ኣገልግሎት ኢሚግሬሽንን ዜግነትን ወ/ሮ ሰላማዊት ዳዊት÷ በቶም ዋና ዳይሬክተር ምስ ዝተመርሐ ልኡኽ ተዛቲዩ፡፡

ወ/ሮ ሰላማዊት ዳዊት ኣብቲ እዋን ኢትዮጵያ ስደትን ካብ ስደት ተመለስቲን ተተሓሒዙ እናወገነቶ ትርከብ ተግባር ብዝምልከት ኣብ ቀፃሊ ምስ ኔዘርላንድስ ኣብቲ ዓውዲ ዘለዋ ምትሕብባር ብዝበለፀ ምጥንኻር ኣብ ዝከኣለሉ ኩነታ ነቲ ልኡኽ ገለፃ ገይረን።

ካብዚ ብተወሳኺ እቲ ትካል ኣብ ከይዲ ሪፎርም ከምዝኾነን ዝወሃቡ ኣገልግሎታት ብዘበናዊ ቴክኖሎጂ ንምውዳብ ብዙሓት ስራሕቲ እናተሰርሑ ከምዝኾኑ ኣብሪሆም፡፡

ሮብ ቫን ብግደኦም÷ ኢትዮጵያ ስደትን ካብ ስደት ተመለስቲን ብዝምልከት እናወገነቶ ትርከብ ስራሕ ከምዘድንቑ ብምግላፅ፥ ሃገሮም ኣብዚ ጉዳይ ንኢትዮጵያ ንምድጋፍ ድልውቲ ከምዝኾነት ምርግጋፆም ካብቲ ኣገልግሎት ዝረኸብናዮ ሓበሬታ የረድእ።