ንዓብዪ ግድብ ህዳሰ ኢትጵያ ዝግበር ሓገዝ ንኽጠናኸር ፃውዒት ቀሪቡ

ኣዲስ ኣበባ፣ 24 መጋቢት፣ 2017 (ኤፍ ኤም ሲ)ህንፀቱ ክዛዘም ንዝተቓረበ ዓብዪ ግድብ ህዳሰ ኢትጵያ ዝግበር ሓገዝ ተጠናኺሩ ንኽቕፅል ፃውዒት ቀሪቡ፡፡

ቤት ፅሕፈት መተሓባበሪ ፕሮጀክት ግድብ ህዳሰ፤ ንኢትዮጵያውያን፣ ትውልደ ኢትዮጵያውያንን ፈተውቲ ኢትዮጵያን እምነ ኹርናዕ ህንፀት እቲ ግድብ ዝተቐመጠሉ መበል 14 ዓመት ኣመልኪቱ መልእኽቲ እንኳዕ ኣብፀሐኩም ኣመሓላሊፉ፡፡

ኣብ መልእኽቱ ድማ፤ ህንፀት እቲ ግድብ ናብ ምዝዛም ምቕራቡ ኣብ ማሕበራዊ ሚዲያ ገፁ ኣፍሊጡ፡፡

እቲ ግድብ ብኩለመዳይ ሓገዝ መላእ ህዝቢ እናተወገነ ከምዝርከብ፣ ህንፀቱ ድማ ሓድነት ከምዘጠናኸረ፣ ብድሙቕ ዲፕሎማሲያዊ ዓወት ተዓጂቡን ምስሊ ኢትዮጵያ ብምህናፅን ሎሚ ዘበን 14 ዓመት ከምዝመልኦ ፀሪሑ፡፡

ንህንፀት እቲ ግድብ ዝግበር ሓገዝ ሕዚ እውን ህንፀቱ ክሳብ ዝዛዘም ተጠናኺሩ ንኽቕፅል ፃውዒት ኣቕሪቡ፡፡