Fana: At a Speed of Life!

ንግስቲ ወሰን ቃላይ ጣና ብፍፁም ድባብ ሰላም ልምዓታ ተቀላጥፍ ኣላ – ም/ቀዳማይ ሚኒስትር ተመስገን ጥሩነህ

ኣዲስ ኣበባ፣ 10 መጋቢት፣2017 (ኤፍ ኤም ሲ)ንግስቲ ወሰን ቃላይ ጣና ፣ ብስየ ዝወቀበት መርዓት ውቕብቲ ከተማ ብፍፁም ሰላምዊ ድባብ ልምዓታ ተቀላጥፍ ኣላ ክብሉ ምክትል ቀዳማይ ሚኒስትር ተመስገን ጥሩነህ ገሊፆም፡፡

ምክትል ቀዳማይ ሚኒስትር ኣብ ማሕበራዊ ሚዲያ ገፆም ከምዝበልዎ÷ ንግስቲ ወሰን ቃላይ ጣና ፣ ብስየ ዝወቀበት መርዓት፣ ኣስኳል ቱሪዝም ዝኾነት ባህርዳር ኣብ ስራሕ እያ፡፡

ፍፁም ናይ ሰላም ኣየር፣ መዕረፊ ዓይኒን መንፈስን ዉቁብ ቦታ ዝተዓደለት ባህር ዳር ካብ መዘናግዒ ክሳብ ዓበይቲ ንግዲ ቦታታት ብምንቅስቓስ ተመሊኣ÷ ሎሚ እውን ካብ ንግሆ ክሳብ ምሽት ኣብ ስራሕ ምዃና ገሊፆም፡፡

ስፖርት መስርሒ ቦታታት ካብ ቆልዓ ክሳብ ዓብዪ ብዝተፈላለዩ ዓይነታት ስፖርት ደሚቆም÷ ምስ እዚ ጎና ጎኒ ህንፀት ዓለም ለኸ ስታዲየም ባህር ዳር ኣብ ምዝዛም ብምዃኑ እታ ከተማ ማእኸል ቱሪዝም ስፖርት ይገብራ ኢሎም፡፡

“ነባሪ እቲ ከባቢ ብስራሕ ዝደኸመ ኣካሉን ኣእምሩኡን ብስፖርት ንምሕዳስ እንትሰርሕ፣ ኣብ ማእኸላት መዘናግዒ እንትዘናጋዕ፣ ኣብ እግሪ ስየ ኮፍ እንትብል፣ ኣብ ወሰን ቃላይ ጣና እንትጫወት፣ ምሸት ብእግሪ እናተንቀሳቀሰ ምርኣይ ልቢ ዘርውይ እዩ” ክብሉ ገሊፆም፡፡

እዚ እዋን ፆም ኣርብዓን ፆም ረመዳንን ዝፅወመሉ ብምዃኑ÷ ምእመናን እታ ከተማ ናብ ኣብያተ ክርስትያናትን መሳጊድን ክኸይድ ክረኣይ ከሎ መንፈሳዊ ኩርዓት ከምዝፈጥር ገሊፆም፡፡

ኣብ ዑደቶም ንፋስ ሰላም፣ ጉያ ስራሕቲ ልምዓትን ከምኡ እውን ኣብ ምንቅቓሕ ቱሪዝም ሓጎስ ከምዝፈጠረሎም ገሊፆም፡፡

“ኣብ ዝተጀመሩ ስራሕቲ ጠመተ ብምሃብ ብግቡእ ፅርየት ከዛዘሙ ምክትታልና ኣጠናኺርና ክንቅፅል ኢና” ክብሉ ኣረጋጊፆም፡፡

You might also like

Leave A Reply

Your email address will not be published.