ንፋና ሚዲያ ኮርፖሬሽን ኣፍልጦ ተዋሂቡ

ኣዲስ ኣበባ፣ 21 ለካቲት፣ 2017 (ኤፍ ኤም ሲ)ፋና ሚዲያ ኮርፖሬሽን መበል 19 መዓልቲ ብሄር፣ ብሄረሰባትን ህዝብታትን ኢትዮጵያ ብዓወት ንክዛዘም ኣብ ዓዉዲ ሚዲያን ኮሚዩኒኬሽን ንዘበርከቶ ዕዙዝ ግደ ካብ ቤት ምኽሪ ፌዴሬሽን ኣፍልጦ ተዋሂብዎ፡፡

እቲ ኣፍልጦ÷ ኣብ ከተማ ኣርባ ምንጭ ኣብ ዝተካየደ መድረኽ ኣፍልጦን መዛዘሚን መበል 19 መዓልቲ ብሄር፣ ብሄረሰባትን ህዝብታትን ኢትዮጵያን ዝተውሃበ ኢዩ፡፡

ካብ ፋና ሚዲያ ኮርፖሬሽን ብተወሳኪ እቲ በዓል ብሰላም ንኽዛዘም ዕዙዝ ግደ ንዝተዋፅኡ መራኸብቲ ሓፋሽ ክልላት፣ መንግስታዊን ዘይመንግስታዊን ትካላት ከምኡ እውን ውልቀ ሰባት ኣፍልጦ ተበርኪቱሎም፡፡

መበል 19 መዓልቲ ብሄር ፣ ብሄረሰብትን ህዝብታትን ኢትዮጵያ “ሃገራዊ ምርድዳእ ንህብረ ብሄራዊ ሓድነት” ብዝብል ቴማ ኣብ ክልል ደቡብ ኢትዮጵያ ከተማ ኣርባ ምንጭ ምኽባሩ ይዝከር፡፡