ኢትዮጵያን ቻይናን ዘለወን ኢኮኖሚያዊ ምትሕብባር ንምጥንኻር ተስማዕሚዐን

ኣዲስ ኣበባ፣ 15 ጥሪ፣ 2017 (ኤፍ ኤም ሲ)ኢትዮጵያን ቻይናን ዘለወን ኢኮኖሚያዊ ምትሕብባር ንምጥንኻር ተስማዕሚዐን።

ሚኒስትር ገንዘብ ኣይተ ኣሕመድ ሺዴ ምስ ሚኒስትር ገንዘብ ቻይና ላን ፋ ኦንን ምክትል ኣቦ መንበር ብሄራዊ ልምዓትን ኮሚሽን ሪፎርምን ዘቲዮም።

እቲ ዘተ ብቐንዱ ኣብ መንጎ እተን ሃገራት ዘሎ ከልቲኣዊ ኢኮኖሚያዊ ምትሕብባር ብዝበለፀ ምጥንኻር ዝዓለመ ከምዝኾነ ተሓቢሩ።

ብፍላይ መራሕቲ እተን ሃገራት ምርድዳእ ብምግባር ዝፈረምዎ ስምምዕነታት ናብ ተግባር ምቕያር ኣብ ዘኽእል ኩነታት ተላዚቦም።

ብተወሳኺ ድሕሪ መመሓየሺ ማክሮ ኢኮኖሚ ኣብ ኢትዮጵያ ዘሎ ዕድል ኢንቨስትመንት ንምርኣይ ዝዓለመ ልዝብ ምግባሮም ኣብ ኤምባሲ ኢትዮጵያ ኣብ ቤጂንግ ዝረኸብናዮ ሓበሬታ የረድእ።