ኢትዮጵያን ቼክ ሪፐብሊክን ኣብ ሓለዋን ምርምርን እንስሳ ዘገዳም ብሓባር ንምስራሕ ተስማዕሚዐን

ኣዲስ ኣበባ፣ 27 ጥሪ፣ 2017 (ኤፍ ኤም ሲ)ኢትዮጵያን ቼክ ሪፐብሊክን ኣብ ሓለዋን ምርምርን እንስሳ ዘገዳም ብሓባር ንምስራሕ ዘኽእል ሰነድ ስምምዕነት ከቲመን።

ኣብ ቼክ ዕላዊ ዑደት ስራሕ ዝገብራ ዘለዋ ሚኒስተር ቱሪዝም ሰለማዊት ካሳ ምስ ኢንስቲትዩት ሓለዋ እንስሳ ዘገዳም ቼክ ሪፐብሊክ ሰነድ ስምምዕነት ከቲመን።

እቲ ስምምዕነት ክልቲአን ሃገራት ኣብ ሓለዋን ምርምርን እንስሳ ዘገዳም ብሓባር ንምስራሕ ዘኽእል ኢዩ ተባሂሉ።

ብፍላይ ብብርኪ ዓለም ናይ ምጥፋእ ሓደጋ ዘንፀላለዎም እንስሳተ ገዳም ካብ ሓደጋ ብምክልኻል ቁፅሮም ንክውስኽ ንምኽኣል ብመፅናዕቲ ዝተደገፈ ምትሕብባር ንምግባር ዘኽእል ኢዩ ተበሂሉ።