ኢትዮጵያን ኣርጀንቲናን ኣብ ዓዉዲ አቪዬሽን ምትሕብባረን ንምጥንኻር ተስማዕሚዐን

ኣዲስ ኣበባ፣ 25 ለካቲት፣ 2017 (ኤፍ ኤም ሲ)ዋና ዳይሬክተር በዓል መዚ ሲቪል ኣቪዬሽን ኢትዮጵያ ጌታቸው መንግስቴ ምስ ኣምባሳደር ኣርጀንቲና ኣብ ኢትዮጵያን ኢግናሲዮ ሮካታግሊያታ ዘትዮም፡፡

ኣብ ዘተኦም ቅድሚ ሓደ ወርሒ ኣብ ኣርጀንቲና ቦነስኣይረስ ብብርኪ ሓፂር ፊርማ ዝተዛዘመ ግልጋሎት ስምምዕነት ኣየር፤ ብብርኪ ሙሉእ ፌርማ ዝዛዘመሉ ከይዲ ንምቅልጣፍ ኣብ ምርድዳእ በፂሖም፡፡

ብተወሳኪ ኣብ ኣርጀንቲና ኣዉሮፕላን መፍረዩ፣ ኣብ ፅገና ምህንድስና ዝተዋፈረ ፋዴአ ዝተብሃለ ኩባንያ ኣብ ኣዲስ ኣበባ ጨንፈር ንምኽፋት ምስ በዓል መዚ ስግግር ቴክኖሎጂ ብሓባር ምስራሕ ኣብ ዝከኣለሉ ኩነታት ዘትዮም፡፡

ኢትዮጵያን ኣርጀንቲናን ኣብ ዓለም ለኸ ጉባኤ ቤት ምኽሪ ፈፃሚ ስራሕ ትካል ሲቪል ኣቪዬሽን ኣብ ዝቀርቡ ጉዳያት ብሓባር ንምንቅስቓስ ጠመተ ሂቦም ዘትዮም፡፡

ኣብ ዘትኦም ዝተለዓሉ ጉዳያት ተግባራዊ ንክኾኑ ዘኽእሉ መድረኻት ንምስንዳእ ኣብ ምርድዳእ ከምዝበፅሑ እውን ተሓቢሩ፡፡