ኢትዮጵያን ኬንያን ኣብ ልዕሊ ዕጡቓት ሸኔ ዝተዋደደ ኦፕሬሽን ምክያድ ጀሚረን

ኣዲስ ኣበባ፣ 27 ጥሪ፣ 2017 (ኤፍ ኤም ሲ)ትካላት ፀፅታን ድሕንነትን ኢትዮጵያን ኬንያን ኣብ ከባቢ ዶብ ክልቲአን ሃገራት ኣብ ልዕሊ ዝንቀሳቐስ ዕጡቕ ሸኔ ዝተዋደደ ኦፕሬሽን ምክያድ ከምዝጀመሩ ብሄራዊ ኣገልግት መርበብ ሓበሬታ ኣፍሊጡ።

እቲ ኣገልግሎት ንመራኸብቲ ሓፋሽ ኣብ ዝለኣኾ ሓበሬታ ከምዝሓበሮ÷ ዳይሬክተር ጀነራል እቲ ኣገልግሎት ቤት ዕዮ ኣምባሳደር ሬድዋን ሁሴንን ዳይሬክተር ጀነራል ብሄራዊ ኣገልግሎት ሓበሬታ ኬንያ ኑረዲን ሞሓመድ ሓጂ ከምኡ እውን ላዕለዎት ኣመራርሓ ምክልኻልን ፖሊስን ክልቲአን ሃገራት ተዛቲዮም።

ኣብቲ ሓበራዊ መድረኽ ዘተ ብዝተቐመጠ ኣንፈት መሰረት ብምግባር ኣብ ጉዳያት ዞባዊ ፀፅታን ድሕንነትን ብሓባር ንምስራሕ ዝተፈራረሙዎም ስምምዓት ተግባራዊ ንምግባር ዝተዋደደ ኦፕሬሽን ምክያድ ተጀሚሩ ተባሂሉ፡፡

ኣብ ብሄራዊ ረብሓታት ክልቲአን ሃገራት ጉድኣት ከስዕቡ ዝኽእሉ ግብረ ራእዲ፣ ንግዲ ኮንትሮባንድ፣ ዘይሕጋዊ-ዝውውር ሰባትን መሳርሒን ንምክልኻል ተግባራዊ ምዃን ዝጀመረ ዝተዋደደ ኦፕሬሽን ብዋናነት ኣብዞም ምንቅስቓሳት ዝሳተፍ ዕጡቕ ሸኔ ኣብ ከባቢ ዶብ ክልቲአን ሃገራት ንምውጋድ ዝሕግዝ ከምዝኾነ እቲ ሓበሬታ ኣመልኪቱ፡፡

በዚ ድማ ኣካላት ፀፅታን ድሕንነትን ክልቲአን ሃገራት ኣብ ዶበን ዝርከቡ ካምፕታት እቲ ጉጅለ ዝተዋደዱ ኦፕሬሽናት እናካየዱ ከምዝርከቡ ተሓቢሩ፡፡