ኢትዮጵያን ፈረንሳይን ማዕቐፍ ምትሕብባር በዓል ብዙሕ ወገን ንምጥንኻር ተስማዕሚዐን

ኣዲስ ኣበባ፣ 20 ሚያዝያ፣ 2017 (ኤፍ ኤም ሲ)ኢትዮጵያን ፈረንሳይን ክልተኣዊ ምሕዝነት ልምዓተን ብዝተፈላለዩ ኣማራፂታት ምትሕብባር ብዝበለፀ ንምጥንኻር ከምዝሰርሓ ኣፍሊጠን።

ብሚኒስተር ገንዘብ ኣሕመድ ሽዴ ዝተመርሐ ላዕለዋይ ልኡኽ ጎድና ጎድኒ ዓመታዊ ኣኼባ እዋን ፅድያ ግሩፕ ባንኪ ዓለምን ኣይ ኤም ኤፍን ኣብ ሚኒስቴር ኢኮኖሚን ፋይናንስን ፈረንሳይ ሓጋዚ ፀሓፊ ጉዳያት ልምዓት በዓል ብዙሕ ወገን ዊሊያም ሮስ ተዛቲዩ።

ኣይተ ኣሕመድ ሽዴ ኣብቲ እዋን÷ ፈረንሳይ ንኢትዮጵያ ኣብ ክልተኣዊን በዓል ብዙሕ ወገን ማዕቐፋትን እናገበረቶ ንእትርከብ ሓገዝ ምስጋና ኣቕሪቦም።

ፈረንሳይ ምስ ቻይና ባሓበራዊ ኣቦ መንበርነት ኣብ ትመርሖ ኮሚቴ ኣለቃሕቲ ኢትዮጵያ ኣባላ ሃገራት ጉጅለ 20 ማዕቐፍ ምቅላል ዕዳ ኢትዮጵያ ኣብ ድርድራት ምሕደራ ሓገዝ እናገበረት ከምዝኾነት ኣልዒሎም።

እቶም ሚኒስትር÷ ኣተገባብራ ሪፎርም ኢትዮጵያን ፅቡቕ ዝንባለ ኢኮኖሚ ኢትዮጵያን ከምኡ እውን ዓለም ለኸ ፈተናታት ኣመልኪቶም ንዊሊያም ሮስ ገለፃ ገይሮም።

ዊሊያም ሮስ ብግደኦም÷ ጥንኩር ምሕደራ ማክሮ ኢኮኖሚን ስጉምቲታት ሪፎርምን መንግስቲ ፅቡቓት ዝበሃሉ ከምዝኾኑ ገሊፆም።

ክልቲኦም ወገናት ኣብ ዘተኦም÷ ማዕቐፍ ምትሕብባር ክልተኣዊን በዓል ብዙሕ ወገንን ኢትዮጵያን ፈረንሳይን ንምጥንኻር ከምዝተስማዕምዑ ሓበሬታ እቲ ሚኒስቴር የመላኽት።