ኢትዮጵያ ሓበራዊ ድምፂ ኣፍሪካ ንምዕባይ ቆራፅ ከምዝኾነት ኣፍሊጣ

ኣዲስ ኣበባ፣ 9 ታሕሳስ፣ 2017 (ኤፍ ኤም ሲ)ኢትዮጵያ ሓበራዊ ድምፂ ኣፍሪካ ንምዕባይን ሸቶታት ኣጀንዳ 2063 ንምዕዋትን ቆራፅ ከምዝኾነት ኣፍሊጣ።

ሚኒስትር ጉዳያት ወፃኢ ጌዲዮን ጢሞቴዎስ (ዶ/ር) መቐመጢኦም ኣብ ኣዲስ ኣበባ ምስ ዝገበሩ ኣምባሳደራት ኣገራት ኣፍሪካ ተዛቲዮም፡፡

ኣብ ዘተኦም ድማ ኢትዮጵያ ንዘበነ ስልጣን 2025-2027 ቤት ምኽሪ ሰላምን ፀፅታን ሕብረት ኣፍሪካ (ኤዩ-ፒኤስ ሲ) ብምሕፃይ ዕላዊ ከምዝኾነት ኣፍሊጦም።

ነዚ ድማ ሓገዝ ኣባል ሃገራት ሕብረት ኣፍሪካ ዝሓተቱ እቶም ሚኒስትር÷ ኢትዮጵያ ንሰላም፣ ምርግጋእን ሓድነትን እታ ኣህጉር ዘለዋ ናይ ነዊሕ እዋን ቆራፅነት ኣብሪሆም፡፡

ኢትዮጵያ ካብ ባዕዳዊ መግዛእቲ ናፃ ዝኾነት ኣፍሪካ ጋህዲ ኣብ ምግባር ከምኡ እውን ኣብ ውሽጢ ትካል ሓድነት ኣፍሪካ ዘለዋ ወሳኒ ግደን ኣብ ትካል ሓድነት ኣፍሪካ ብኣባልነት ከምዝሰርሐትን ብኣፅንኦት ገሊፆም፡፡

ምትሕብባር በዓል ብዙሕ ወገን ንምጥንኻርን ሓበራዊ ድምፂ ኣፍሪካ ንምድንፋዕን ብፍላይ ሸቶታት ኣጀንዳ 2063 ንምዕዋት ኢትዮጵያ ቆራፅ ከምዝኾነት እውን እቶም ሚኒስትር ኣረጋጊፆም፡፡