ኢትዮጵያ ቀፃሊ ዝኾነ ዕቤት ተመዝግብ ኣላ – ማኔጂንግ ዳይሬክተር ኣይ ኤም ኤፍ

ኣዲስ ኣበባ፣ 2 ለካቲት፣ (ኤፍ ኤም ሲ)ኢትዮጵያ ኣብ ዓውዲታት ሕርሻ፣ ኣገልግሎትን ካልኦት ዓውዲታትንን ቀፃሊ ዝኾነ ዕቤት እናመዝገበት ምዃና ዓለም ማኔጂንግ ዳይሬክተር ዓለም ለኸ ትካል ገንዘብ ክሪስታሊና ጆርጂዬቫ ገሊፀን።

ዓለም ማኔጂንግ ዳይሬክተር ዓለም ለኸ ትካል ገንዘብ (ኣይ ኤም ኤፍ) ክሪስታሊና ጆርጂዬቫ ኣብ ኢትዮጵያ ዝነበረን ፃንሒት ብዝምልከት ምስ ሚኒስትር ገንዘብ ኣህመድ ሽዴ ሓበራዊ መግለፂ ሂቦም።

እተን ማኔጂንግ ዳይሬክተር ኣብ መግለፂአን ኣብ ኢትዮጵያ ናይ ሓፂር እዋን ፃንሒተን ውፅኢታዊ ዑደት ምግባረን ብምግላፅ፣ ዝኽሪ ዓወት ዓድዋ ኩርዓት ኣፍሪካውያን ምጿኑ ምዕዛበን ተዛሪበን።

ዝተማለአ ፖሊሲ መመሓየሺ ማክሮ ኢኮኖሚ ኢትዮጵያ ኣብ ፅቡቕ ከይዲ ብምዃኑ ውፅኢት እናመዝገበ ከምዝኾነ እውን ገሊፀን።

ዘፈር ውልቀ ብምዕባይ ሰፊሕ ዕድል ስራሕ ከምዝተፈጠረ ከምዝተረዳኣ እተን ማኔጂንግ ዳይሬክተር ኣፍሊጠን፡፡

ዘፈር ሕርሻን ኣገልግሎትን ቀፃሊ ዝኾነ ዕቤት ብምምዝጋብ ዝቕባበ ዋጋ ኣብ ምንካይ ጭቡጥ ውፅኢት ከምዝተመዝገበ ገሊፀን።

ኣብ ኢትዮጵያ ኢንቨስትመንት እናዓበየ ከምዝርከብ ብምግላፅ፤ ኣዲስ ኣበባ ውቅብቲ ከተማ እናኾነት ምምፃኣ ከምዝተመልከታ ተዛሪበን።

ሪፎርም ማክሮ ኢኮኖሚ ግዘ ዝሓትት ብምዃኑ ብቖራፅነት ምስራሕ ከምዝግባእ ብምትሕስሳብ ንኢትዮጵያ ብሩህ ኢዩ ምባለን ግዜኢ ፀብፂቡ፡፡

ሚኒስትር ገንዘብ ኣህመድ ሽዴ ብግደኦም÷ ኣይ ኤም ኤፍ ነቲ ሪፎርም ውፅኢታዊ ንኽኸውን ዝገብሮ ሓገዝ ብምምስጋን መንግስቲ መካተቲ መመሓየሺ ማክሮ ኢኮኖሚ ብምግባር ሸርፊ ወፃኢ ብዕዳ ንኽውሰን ኣኽኢሉ ኢዩ ኢሎም።