ኢትዮጵያ ብሚኒስቴር ጉዳያት ወፃኢ ሶማሊያ ዝወፅአ መግለፂ መሰረት ዘይብሉ ከምዝኾነ ገሊፃ

ኣዲስ ኣበባ፣ 15 ታሕሳስ፣ 2017 (ኤፍ ኤም ሲ)ሚኒስቴር ጉዳያት ወፃኢ ሶማሊያ ኣብ ዘውፀኦ መግለፂ ዶሎ ኣብ ዝተብሃለ ከተማ ብዝተፈጠረ ኣጋጣሚ ንሓይሊታት ኢትዮጵያ ምኽሳሱ ንኢትዮጵያ ከምዘቖጠዐ ሚኒስቴር ጉዳያት ወፃኢ ኣፍሊጡ።

ብሚኒስቴር ጉዳያት ወፃኢ ኣብ ዘውፀኦ መግለፂ÷ እቲ ናይ ሕሶት ውንጀላ ኣብ ሞንጎ ኢትዮጵያን ሶማሊያን ዘሎ ርክብ ንምስትኽኻል ዝተጀመረ ፃዕሪ ንምትእጉጓል ዝተሓሰበ ኢዩ ኢሉ።

እዚ ድማ ሰላም ቀርኒ ኣፍሪካ ንምሕማስ ዝደልዩን ኣብቲ ዞባ ሰላም ከይህሉ ናይ ዝሰርሑን ሳልሳይ ወገን ኣካላት ተግባር ከምዝኾነ እቲ መግለፂ ኣመልኪቱ።

ኣብ ስምምዕነት ኣንካራ ከምዝተገለፀ ክልቲአን ሃገራት ንሰላም ዘድልዩ ቆራፅነታት ከይተዓናቐፍ ክፍተት ክፈጥራ የብለንን ክብል እቲ ሚኒስቴር ኣፍሊጡ።

መንግስቲ ኢትዮጵያ ተመሳሰልቲ ሓደጋታት ንምክልኻል ምስ ዝምልከቶም ኣካላት መንግስቲ ፌዴራል ሶማሊያ ብሓባር ምስርሑ ከምዝቕፅል እውን እቲ መግለፂ ወሲኹ ሓቢሩ።

“ኢትዮጵያ ብመሰረት ስምምዕነት ኣንካራ ርከብ ክልቲአን ሃገራት ንምሕዳስን ንምጥንኻርን ዘለዋ ቆራፅነት ኣጠናኺራ ክትቅፅል ኢያ” እውን ኢሉ።

መራሕቲ እተን ሃገራት ንሰላም ዘለዎም ቆራፅነት ክልተኣዊ ርክብን ዞባዊ ምትሕብባርን ከምዘጠናኽር እውን መግለፂ ሚኒስቴር ጉዳያት ወፃኢ ኣፍሊጡ።