ኢትዮጵያ ንምዕባለ እዚ ቀጣና ግደ መሪሕነታ ትዋፃእ ኣላ-ሚኒስቴር ጉዳያት ወፃኢ

ኣዲስ ኣበባ፣ 17 ጥሪ፣ 2017 (ኤፍ ኤም ሲ)ኢትዮጵያ ብሄራዊ ረብሓኣ ካብ ምኽባር ብተወሳኺ ንምዕባለ እዚ ቀጣና ግደ መሪሕነታ ትዋፃእ ኣላ ክብል ሚኒስቴር ጉዳያት ወፃኢ ኣፍሊጡ።

ኣቐባሊ ቃል እቲ ሚኒስቴር ኣምባሳደር ነብያት ጌታቸው፥ ፖሊሲ ርክብ ወፃኢ ኢትዮጵያ ብሄራዊ ረብሓ ዘኽበረ ንቀርኒ ኣፍሪካን ጎረባብቲ ሃገራትን ምትሕብባር፣ ሓበራዊ ምዕባለ፣ ሰላምን ምርግጋዕን ቀዳምነት ዝህብ ኢዩ።

ኢትዮጵያ ምስ ህዝብታት ጎረባብቲ ሃገራት ኢድ ንኢድ ተተሓሒዛ ሓበራዊ ምዕባለን ቀጣናዊ ዝምድናን ናይ ምጥንኻር ፅኑዕ ቅዋማ ብተግባር ትገልፅ ከምዘላ ሓቢሮም።

ብተወሳኺ ንምዕዋት ሓድነትን ምዕባለን ኣፍሪካ መትከል ሓበራዊ ረብሓ ብምቕዳም ትሰርሕ ከምዘላ ገሊፆም።

ኢትዮጵያ ኣብ መድረኻት ዓለም ብሄራዊ ረብሓኣ ዘኽብሩ ተግባራት ትፍፅም ኣላ ብምባል፥ ብምሰረት እዚ ናብ ሓደሽቲ እኩባት ትፅንበር ከምዘላ ኣብሪሆም።

ምስ ኣባል ሃገራት ሕድ ሕድ ጥምረት ክልቲኣዊን ኩለ መዳይን ምትሕብባር ዘጠናኽር ዲፕሎማሲ እናተኸተለት ከምዘላ ተዛሪቦም።

ኢትዮጵያ ንድልየትን ተረባሕነትን ህዝባ ይረብሒ ኢዮም ኢላ አትወስዶም ስጉምቲታት ኩሎም ፖሊሲ ርክብ ወፃኢኣ መሰረት ዝገበሩ ከምዝኾኑ ንግዜኢ ገሊፆም።

ኣምባሳደር ነብያት፥ ንመበል 38 ጉባኤ መራሕቲ ሕብረት ኣፍሪካ ሰፊሕ ምድላው ትገብር ከምዘላ እውን ኣብሪሆም።