ኢትዮጵያ ኣብ ኣኼባ ትካል ንግዲ ዓለም ካብ 19 ሃገራትን ባንኪ ዓለምን ድጋፍ ምርካባ ተገሊፁ

ኣዲስ ኣበባ፣ 15 መጋቢት፣ 2017 (ኤፍ ኤም ሲ) ኢትዮጵያ ኣብ ሓምሻይ ኣኼባ ትካል ንግዲ ዓለም ካብ 19 ሃገራትን ባንኪ ዓለምን ድጋፍ ምርካባ ሚኒስትር ንግዲን ዞባዊ ምትእስሳርን ካሳሁን ጎፌ (ዶ/ር) ገሊፆም፡፡

እቶም ሚኒስትር ኣብ ሓምሻይ ኣኼባ ትካል ንግዲ ዓለም ኢትዮጵያ ዘኻየደቶም ተግባራት ኣመልኪቶም መግለፂ ሂቦም፡፡

ኣብ መግለፂኦም÷ ኢትዮጵያ ኣብቲ ኣኼባ ዝነበራ ተሳትፎ ዕውት ከምዝነበረን ካብ 19 ሃገራትን ባንኪ ዓለም ድጋፍ ምርካባን ተዛሪቦም፡፡

ኢትዮጵያ ሕቶ ኣባልነት እቲ ትካል ካብ ተቕርብ 23 ዓመታት ከምዝኾና ገሊፆም፡፡

እቲ ትካል ካብ ዝጣየሽ 30 ዓመታት ዘቑፀረ እንትኸውን 166 ኣባል ሃገራት ከምዘለዎ ሓቢሮም፡፡

ካብ ሞንጎ እዚኣተን እተን 38 ብድርድር ዝተፀንበራ ምዃነን ኣረዲኦም፡፡

ኢትዮጵያ ሓዊሱ 22 ሃገራት ሕቶ ኣባልነት ኣቕሪበን ምላሽ ኣብ ምፅባይ ከምዝርከባ እውን ገሊፆም፡፡

ብፀጋዬ ንጉሰ