ኢትዮጵያ ኣብ ጉባኤ መዓድን ኣፍሪካ ትሳተፍ ኣላ

ኣዲስ ኣበባ፣ 26 ጥሪ፣ 2017 (ኤፍ ኤም ሲ)ብሚኒስትር መዓድን ሃብታሙ ተገኝ (ኢ/ር) ዝተመርሐ ጉጅለ ልኡኽ ኢትዮጵያ ኣብ ደቡብ ኣፍሪካ ኬፕታውን ኣብ ዝተሰናደአ ጉባኤ መዓድን ኣፍሪካ 2025 እናተሳተፈ ይርከብ፡፡

ዕላማ እቲ ጉባኤ ኣህጉራዊ ኢንቨስትመንት መዓድን ንምስሓብ ከምዝኾነ ተገሊፁ።

ኢትዮጵያ ሓዊሱ ልዕሊ 300 መዳርጊት ኣካላት መዓድንን ልዕሊ 1 ሺሕን 200 በፃሕቲን ኣብቲ ጉባኤ ከምዝተሳተፉ ተሓሩ፡፡

ኣብ ኢንዱስትሪ መዓድን ኣፍሪካ ብሕብረት ንምስራሕን ኢንቨስትመንት እቲ ዓውዲን ዘደንፍዑ ፖሊሲታት ተግባራዊ ንምግባር ዘኽእል ዘተ ኣብቲ መድረኽ ክካየድ ኢዩ።

ንዝቕፅል ሰለስተ መዓልቲታት ኣብ ዝፀንሕ ኮንፈረንስ÷ ልኡኽ ኢትዮጵያ ዕድሉ ብምጥቃም ፍርያት መዓድን ኢትዮጵያ ከፋልጥ ኢዩ ዝብል ትፅቢት ከምዘሎ ተሓቢሩ፡፡

ኣብቲ ኮንፈረንስ ካብ ሚኒስቴር መዓድን ብተወሳኺ ኣብ ፕሪቶሪያ ዝርከብ ኤምባሲ ኢትዮጵያ እውን እናተሳተፈ ከምዝርከበ ሓሬታ እቲ ኤምባሲ የመላኽት፡፡