ኢትዮጵያ ውሕስና ምግቢ ካብ ምርግጋፅ ሓሊፉ ብዘላቕነት ርእሳ ንምኽኣል እናሰርሐት ምዃና ገሊፃ

ኣዲስ ኣበባ፣ 11 ለካቲት፣ 2017 (ኤፍ ኤም ሲ)ኢትዮጵያ መፍረያይት ሕርሻ ዘደንፍዕ ፖሊሲ ብምትግባር ውሕስና ምግቢ ካብ ምርግጋፅ ሓሊፉ ብዘላቕነት ርእሳ ንምኽኣል እናሰርሐት ምዃና ገሊፃ፡፡

ቤት ፅሕፈት ቀዳማይ ሚኒስትር ኢትዮጵያ ብምግቢ ርእሳ ንምኽኣል ትገብሮ ፃዕሪ ኣመልኪቱ መግለፂ ኣውፂኡ፡፡

ኣብ መግለፂኡ ድማ ኣፍሪካ ኣብ ርዳእታ ፅግዕተኛ ተገይራ ብዓለም ዝተሰኣለትሉ ምስሊ ያታ ኢትዮጵያ ብምግቢ ርእሳ ንምኽኣል ቆራፅ ስጉምቲ ብምውሳድ ንምልዋጥ እናርሐት ከምዝኾነት ፀሪሑ፡፡

በዚ ድማ መንግስቲ ኢትዮጵያ ኣብ ዝሓለፉ ሽዱሽተ ዓመታት መፍረያይነት ሕርሻ ንምድንፋዕ ፖሊሲታት ናብ ምትግባር ብምልዋጡ ውሕስና ምግቢ ጥራሕ ዘይኮነስ ብዘላቕነት ርእሳ ንኽትክእል ዝዓለመ ከምዝኾነ ተሓቢሩ፡፡

እዞም ፃዕሪታት ኢትዮጵያን ካብ ፅግዕተኛነት ንምንጋፍን ዘላቒ ልምዓታ ንምጉልባትም ዘለዋ ቆራፅነት ዘንፀባርቑ ኢዮም ኢሉ።

እዚ ከምዚ ኢሉ እናሃለወ ሃገራዊ ዕቤት ንምድኻምን ፃዕሪታት ልምዓት ብፍላይ ድማ ኣብ ዓውዲ ሕርሻ ንምምፃእ ዝስተውዓሉ ፃዕሪታት ከምዘለዉ ዘልዓለ እቲ መግለፂ ኮይኑ ግን ቆራፅነታ ንሃገርናን ንህዝቢናን ህልውና ኣድላዪ ስለዝኾነ ኣይናወፅን ክብል ኣገንዚቡ፡፡

ኢትዮጵያ ፍሪያት ውሽጢ ዓዲ እኹል ስለዘይነበረ ናብ ውሽጢ ዓዲ ንዝኣትዉፍሪያታት ስርናይ ኣብ ዓመት 1 ቢሊየን ዶላር ዝፅጋዕ ወፃኢ እንትትገብር ምፅናሓ እቲ መግለፂ ኣዘኻኺሩ።
ይኹን እንበር ካብ 2013 ባጀት ዓመት ጀሚሩ ኢትዮጵያ ፍሪያት ስርናይ ካብ ወፃኢ ምእታው ሙሉእ ብሙሉእ ደው ከምዘበለት ገሊፁ።
ብመሰረት ኣብዚ ሐዚ እዋን ንባዕልኻ ምኽኣል ሃገራዊ ጉዳይ ጥራሕ ዘይኮነስ ንኣፍሪካ ሰፊሕ ኢኮኖሚያዊን ፖለቲካዊን መዕባለ ወሳኒ ስጉምቲ ከምዝኾነ ተሓቢሩ።
በዚህም በምግብ ራስን መቻል በሌሎች ላይ ጥገኛ አለመሆንን እና በአህጉሪቱ ዘላቂ እድገት ለማምጣት መንገድ የሚከፍት መሆኑ ተመላክቷል፡፡
ብምግቢ ባዕልኻ ምኽኣል ኣብ ለዕሊ ካልኦት ፅግዕተኛ ዘይምዃንን ኣብ ኣፍሪካ ዘላቒ ምዕባለ ንምምፃእ መገዲ ምኽፋት ከምዝኾነ ተሓቢሩ።