ኢንስቲትዩት ምርምር ሕርሻ ትግራይ ብምርምር ዘወፅኦም 4 ሓደሽቲ ዓሌታት ዝራእቲ ዕላዊ ገይሩ

ኣዲስ ኣበባ፣ 16 ለካቲት፣ 2017 (ኤፍ ኤም ሲ)ኢንስቲትዩት ምርምር ሕርሻ ክልል ትግራይ ብምርምር ዘወፅኦም ኣርባዕተ ሓደሽቲ ዓሌታት ዝራእቲ ዕላዊ ገይሩ።

እቲ ኢንስቲትዩት ብምርምር ኣብ ዘውፀኦም 4 ሓደሽቲ ዓሌታት ዝራእቲ ስነ ስርዓት ምፍላጥ ኣካይዱ።

ዳሪክተር ዝራእቲ ምርምር ሕርሻ እቲ ክልል ይርጋኣለም ፀሃየ (ዶ/ር) ኣርባዕተ ሓደሽቲ ዓሌታት ዝራእቲ ማለት እውን ሱፍ፣ ስርናይ፣ ከምኡ እውን ፀሊምን ፃዕዳን ኣውሱዳን ብምርምር ከም ዝወፁ ብምግላፅ፤ “እዞም ዓሌታት ብምብዛሕ ሓረስታይ ተረባሒ ክከውን ኣለዎ” ኢሎም።

ዋና ዳሪክተር ኢንስቲትዩት ምርምር ሕርሻ ትግራይ ገብረኣምላኽ በዛብህ (ዶ/ር) ብግደኦም÷ ፍርያትን መፍረያይነትን ሕርሻ ትግራይ ንምዕባይን ንምዝማን ብምርምር ዝተሓገዙ ስራሕቲ ምስራሕ ግዜ ዘይህብ ጉዳይ ከምዝኾነ ገሊፆም።

እቲ ትካል ግዚኡ ዝጠልቦ ምርምር ብምግባር ድኽነት ንምውጋድ ከምዝሰርሕ እውን ሓቢሮም።

ሓላፊ ቢሮ ሕርሻን ሃፍቲ ተፈጥሮን ትግራይ ኢያሱ ኣብራሃ (ዶ/ር)፤ በቲ ኢንስቲትዩት ዕላዊ ዝኾኑ ኣርባዕተ ዓሌታት ዝራእቲ ሐረስታይ ትግራይ ከተኣታትዎምን ተረባሕነቱ ከረጋግፅን ከምዝገብሩ ገሊፆም።

“ኣብ ስግግርን ዳግመ ሕውየትን ሕርሻ ትግራይ ለውጢ ንምምፃእን ዘላቂ ልምዓት ንምርግጋፅን ስራሕቲ ምርምር ልዑል ግደ ኣለዎ” እውን ኢሎም።