ኣብ መተኣኻኸብቲ ተረኻት ብትኹረት ምስራሕ ይግባእ ተባሂሉ

ኣዲስ ኣበባ፣ 4 ለካቲት፣ 2017 (ኤፍ ኤም ሲ)ዝተጀመረ ሃገራዊ ምኽክር ብምጉልባት ካብ ንፅል ተረኻት ብዝበለፀ ኣብ መተኣኻኸብቲ ተረኻት ብትኹረት ምስራሕ ይግባእ ክብላ ምክትል ኣፈ ጉባኤ ባይቶ ወከልቲ ህዝቢ ወ/ሮ ሎሚ በዶ ገሊፀን።

”ኣቢያተ ምኽሪታትና ንህንፀት ጥንኩር ሃገረ መንግስቲ” ብዝብል ርእሲ ብኣሰናዳእነት ሚኒስቴር ሰላም ኣብ ከተማ ኣዳማ መድረኽ ዘተ ይካየድ ኣሎ።

ወ/ሮ ሎሚ በዶ ኣብቲ መድረኽ ዘተ÷ ዝተጀመረ ሃገራዊ ምኽክር ብምጉልባት ካብ ንፅል ተረኻት ብዝበለፀ ኣብ መተኣኻኸብቲ ተረኻት ብትኹረት ምስራሕ ናይ ኩሎም ኣካላት ወሳኒ ግደ ክኸውን ከምዝግበኦ ተዛሪበን፡፡

በቢእዋኑ ዝለዓሉ ፖለቲካዊ ሕቶታትን ካልኦት ጉዳያትን ከምዝረኣዩ ብምሕባር÷ ዝተማለአ ሃገረ ብሄር ኣብ ምህናፅ ሰፊሕ ስራሕ ምስራሕን ክፅገኑ ዝግበኦም ስብራታትን ከምዘለዉ ኣብሪሀን።

ኣብዛ ሃገር ዝረኣዩ ፀገማት መበገሲ እቶም ፀገማት ብዙሓት ይኹኑ እምበር ፀገማት ካብ መሰረቶም ንምፍታሕ ጥንኩራት ትካላትን ብሄረ-መንግስቲን ምህናፅ ትኹረት ክወሃቦ ዝግባእ ጉዳይ ከምዝኾነ ምግላፀን ካብቲ ባይቶ ዝረኸብናዮ ሓበሬታ የረድእ፡፡