ኣብ ቀዳማይ ዙር ፀወታ ኣውዲቕካ ምሕላፍ ማንቼስተር ሲቲ ምስ ሪያል ማድሪድ ዝገብረኦ ንሕንሕ ትፅቢት ይግበረሉ

ኣዲስ ኣበባ፣ 4 ለካቲት፣ 2017 (ኤፍ ኤም ሲ)ኣብ ቀዳማይ ዙር ፀወታ ኣውዲቕካ ምሕላፍ ቻምፒዮንስ ሊግ ኣውሮፓ ሎሚ ምሸት እንካየዱ ማንቼስተር ሲቲ ምስ ሪያል ማድሪድ ዝገብረኦ ንሕንሕ ትፅቢት ዝግበረሉ ኢዩ፡፡

ኣብቲ ውድድር ቅድም ኢሉ ምሸት ሰዓት 2፡45 ጋንታታት ፈረንሳይ ብረስትን ፒኤስጂን ክራኸባ ኢየን፡፡

ማንቼስተር ሲቲን ሪያል ማድሪድን ዝገብረኦ ፀወታ ምሸት ሰዓት 5 ኣብ ስታዲየም ኤቲሃድ ዝካየድ እንትኸውን፤ ክልቲአን ጋንታታት 12 ግ ግዘ ተራኺበን፡፡

ክልቲአን ጋንታታት ሕድሕድ ተራኺበን ሪያል ማድሪድ 4 ግዘ እንትትዕወት ማንቼስተር ሲቲ 3 ግዘ ብምስዓር 5 ግዘ ድማ ማዕረ ክፈላለያ ክኢለን፡፡

ብተመሳሳሊ ሰዓት ምሸት ሰዓት 5 ኣብ ዝግበሩ መርሃ ግብሪታት እቲ ውድድር÷ ጁቬንቱስ ምስ ፒኤስቪ ከምኡ እውን ስፖርቲንግ ሊዝበን ምስ ቦሩሺያ ዶርቱመንድ ክራኸባ ኢየን፡፡