ኣብ ትግራይ ኣብ ልዕሊ ሓንቲ ኣዶ ብዝተገበረ ሕክምናዊ መጥባሕቲ 20 ነጥቢ 6 ኪሎ ግራም ዝምዘን ፅኪ ተወጊዱ

ኣዲስ ኣበባ፣ 30 ጥሪ፣ 2017 (ኤፍ ኤም ሲ)ኣብ ሆስፒታል ለምለም ካርል ማይጨው ኣብ ልዕሊ ሓንቲ ኣዶ ብዝተገበረ ሕክምናዊ መጥባሕቲ 20 ነጥቢ 6 ኪሎ ግራም ዝምዘን ፅኪ ከምዝተወገደ ተሓቢሩ።

እተን ተሓካሚት ነባሪት ወረዳ ዝኾና በዓልቲ ፀጋ ዕድመ 63 ዓመት ወይዘሮ ካሱ ረዳኢ ኢየን።

ሜዲካል ዳሬክተር እቲ ሆስፒታል ዶክተር ኣክሊል ኣለማዮህ፥ እተን ኣዶ ን5 ዓመታት ናብ ፀበላትን ባህላዊ መድሓኒትን እናተመላለሳ ከምዝፀንሓ ገሊፆም።

ድሕሪ እዚ ቅድሚ ሰለስተ መዓልታት ናብ ሆስፒታል ለምለም ካርል ማይጨው ምምፃአን ተዛሪቦም።

እቲ 20 ነጥቢ 6 ኪሎ ግራም ዝምዘን ፅኪ፥ ኣብ መፈልፈሊ እንቋቑሖ ማህፀን ማለት እውን/Ovari/ ዝተፈጠረ ከምዝኾነ ኣብሪሆም።

ዶ/ር ኣክሊል፥ ብዝተገበረለን ዕውት ሕክምናዊ መጥባሕቲ እቲ ፅኪ ተወጊዱላ ንቡር ጥዕንአን ከምተመለሰ ኣረጋጊፆም።