ኣብ ትግራይ ኣብ 266 ኣብያተ ትምህርቲ፣ 84 ትካላት ጥዕናን ዳግመ ህንፀትን ሕውየትን ክስራሕ እዩ

ኣዲስ ኣበባ፣ 24 ጥሪ፣ 2017 (ኤፍ ኤም ሲ)ካብ ባንኪ ዓለም ብዝተረኸበ ሓገዝ ገንዘብ፥ ኣብ 14 ወረዳታት ትግራይ ኣብ 266 ኣብያተ ትምህርቲ 84 ትካላት ጥዕና 844 ትካላት ማይ ዳግመ ህንፀትን ሕውየትን ከምዝስራሕ ተገሊፁ።

ኣብ ምጅማር ብባንኪ ዓለም ዝፀደቑ ፕሮጀክታት ሕውየት ዝጠመተ መድረኽ ዘተ ሎሚ ኣብ ከተማ ውቕሮ ይሳለጥ ኣሎ።

ካብ ባንኪ ዓለም ብዝተረኸበ 3 ነጥቢ 52 ቢልየን ብር ገንዘባዊ ሓገዝ ኣብ ወረዳ ወጅራት፣ ሰሓርቲ፣ ሓሓይለ፣ ዓዴት፣ ጉለመኸዳ፣ ብዘት፣ እገላ፣ ፅምብላ፣ እምባስነይቲ፣ ዛና፣ ማእኸል ኣድያቦ፣ ራያ ዓዘቦ፣ ነቅሰገን ኣላጀን (በራ ሰለዋ ዘካተተ) ብድምር ኣብ 14 ወረዳታት ዳግመ ሕውየትን ህንፀትን ንምክያድ ዘኽእል መድረኽ ከምዝኾነ ተሓቢሩ።

ኣብቲ መድረኽ፥ ኣመራርሓ ክልልን ወረዳን ይሳተፉ ኣለዉ።