Fana: At a Speed of Life!

ኣብ ኣዲስ ኣበባን ከባቢኣን ብዘይፍቓድ ብሄራዊ ኣገልግሎት ሓበሬታን ድሕንነትን ዝኾነ ይኹን ዓይነት ድሮን ምልዓል ይኹን ምብራር ኣይከኣልን

ኣዲስ ኣበባ፣ 28 ጥሪ፣ 2017 (ኤፍ ኤም ሲ)ኣብ ኣዲስ ኣበባን ከባቢኣን ብዘይፍቓድ ብሄራዊ ኣገልግሎት ሓበሬታን ድሕንነትን ዝኾነ ይኹን ዓይነት ድሮን ምልዓል ይኹን ምብራር ከምዘይከኣል እቲ ኣገልግሎት ኣፍሊጡ፡፡

ብሄራዊ ኣገልግሎት ሓበሬታን ድሕንነትን ኣብ ኣዲስ ኣበባን ከባቢኣን ብዛዕባ ኣጠቓቕማ ዝግበር በረራ ድሮንን ካልኦት በረርቲ ኣካላት ኣመልኪቱ መግለፂ ኣውፂኡ።

እቲ ኣገልግሎት ንግዜኢ ኣብ ዝለኣኾ መግለፂ ከምዝሓሮ፥ እቲ ትካል ብኣዋጅ ቁፅሪ 1276/2014 ብዝተውሃ ስልጣን መሰረት ብምግባር፣ ቁልፊ መሰረተ-ልምዓታትን ብሄራዊ ኩነትን ድሕንነት ምስ ዝምልከቶም ኣካላት ብምዃን ናይ ምሕላው ሓላፍነት ኣለዎ።

እቲ ኣገልግሎት ብፍላይ ካብ ቀረባ እዋን ንደሓር ብስፍሓት ኣብ ረብሓ እናወዓሉ ዝመፅኡ ድሮናትን መሰል ቴክኖሎጂ ወለድ መሳርሒታትን ዝፈጥሩዎም ስግኣታት ንምክልኻል ዘኽእል እኹል ምድላው ቴክኖሎጂን ሓይሊ ሰብን ገይሩ ኢዩ።

ዕዉት ንኽኸውን ድማ ንሕብረተሰብ ግንዛበ ምፍጣርን ጥንኩር ምውዳድ መዳርግቲ ኣካላት ከምዝደሊ ኣብ መግለፂኡ ሐባሩ፡፡

ብፍላይ ምስ ዝቕፅል ጉባኤ መራሕቲ ሕብረት ኣፍሪካ ተተሓሒዙ ምድላዋቱ ምጥንኻር ኣድላዪ ብምዃኑ ኣብ ኣዲስ ኣበባን ከባቢኣን ብዘይፍቓድ ብሄራዊ ኣገልግሎት ሓበሬታን ድሕንነትን ዝኾነ ይኹን ዓይነት ድሮን ምልዓል ይኹን ምብራር ከምዘይከኣል ኣብ ዝለኣኾ መግለፂ ኣመልኪቱ፡፡

You might also like

Leave A Reply

Your email address will not be published.