ኣብ ክልል ትግራይ ልምዓት ፍርያት ዓሳ ንምስፋሕ ይስራሕ ኣሎ ተባሂሉ

ኣዲስ ኣበባ፣ 3 መጋቢት፣ 2017 (ኤፍ ኤም ሲ)ኣብ ክልል ትግራይ ልምዓት ፍርያት ዓሳ ንምስፋሕ እናተሰርሐ ከምዝርከብ ቢሮ ሕርሻን ሃፍቲ ተፈጥሮን ግዚያዊ ምምሕዳር እቲ ክልል ኣፍሊጡ።

በዓል ሞያ ዘፈር ሃፍቲ እንስሳን ዓሳን እቲ ቢሮ ኣይተ ኪዳነማሪያም ተካ፤ ኣብ ኣናእሽቲ ግድባት ልምዓት መስኖን ፍርያት ዓሳን ብምውዳድ እናተሰርሐ ምዃኑ ገሊፁ።

ኣብቲ ክልል ልምዓት ሃፍቲ ፍርያት ዓሳ ንምስፋሕ እናተሰርሐ ከምዝኾነ ብምግላፅ፥ ነዚ ድማ ዓሳ ብበዝሒ ክራብሑ እናተገበረ ከምዝርከብ ኣብሪሆም።

ኣብዚ ሕዚ እዋን ኣብቲ ክልል ብዓመት ብማእኸላይ እናፈረየ ዝርከብ 26 ሺሕ ኩንታል ፍርያት ዓሳ፤ ኣብ ዝቕፅሉ 10 ዓመታት 216 ሺሕ ኩንታል ንምብፃሕ ትልሚ ተታሒዙ እናተሰርሐ ከምዝኾነ ምግላፆም ግዜኢ ፀብፂቡ።