ኣብ ክልል ትግራይ ስራሕቲ ዕቀባ ሓድን ማይን ተጀሚሩ

ኣዲስ ኣበባ፣ 26 ጥሪ፣ 2017 (ኤፍ ኤም ሲ)ኣብ ክልል ትግራይ ኣብ ዝርከባ ዝተፈላለያ ከባቢታት ስራሕቲ ዕቀባ ሓድን ማይን ከምዝተጀመረ  ቢሮ ሕርሻ ግዚያዊ ምምሕዳር እቲ ክልል ገሊፁ፡፡

ሓላፊ እቲ ቢሮ ኢያሱ ኣብርሃ (ዶ/ር) ከምዝገለፁዎ÷ እቲ ስራሕ ን20 መዓልቲታት ከምዝፀንሕን በዚ ድማ 30 ሺሕ ሄክታር መሬት ክለምዕ ከምዝግበርን ኣብሪሆም።

እቲ ስራሕቲ ዕቀባ ሓመድን ማይን÷ “ወፍሪ ዕቀባ ሓመድን ማይን ንዘላቒ ልምዓትናን ሓድነትናን” ብዝብል መሪሕ ቃል ኢዩ እናተኻየደ ዝርከብ፡፡

ብፍላይ ዝተጎድኡ ከባቢታት ዳግም ንኽለምዑ ናይ ምግባር ዕላማ ዘለዎ ኢዩ ኢሎም።

እቲ ስራሕ ብፀሬትን ብቅልጣፈን ንምውጋን ዘኽእሉ ዝተፈላለዩ ምድላዋት እናተገበሩ ከምዝፀንሑ ዝሓበሩ ድማ ኣብቲ ቢሮ ዳይሬክተር ርክብ ህዝቢ ኣይተ ሚኪኤለ ምሩፅ ኢዮም።

ሰብ ሞያ ነቲ ስራሕ ብቕርበት ንምምራሕን ንምክትታልን ናብ ወረዳታት ከምዝተዋፈሩ ምግላፆም ግዜኢ ፀብፂቡ፡፡