ኣብ ክልል ትግራይ ዘላቒ ሰላም ንክይነግስ ዝግበር ከይዲ ፀረ-ሰላም ሓይሊታት ብኣግባቡ ምግንዛብ ይግባእ-ኣብርሃም በላይ (ዶ/ር)

ኣዲስ ኣበባ፣ 4 መጋቢት፣ 2017 (ኤፍ ኤም ሲ)ኣብ ክልል ትግራይ ዘላቒ ሰላም ንክይነግስ ዝግበር ከይዲ ፀረ-ሰላም ሓይሊታት ብኣግባቡ ምግንዛብ ይግባእ ክብሉ ሚኒስትር መስኖን ከባቢ ቆላን ኣብርሃም በላይ (ዶ/ር) ኣተሓሳሲቦም።

ኣብቲ ክልል ዘላቒ ሰላም ንከይነግስ እቲ ህዝቢ ኣብ ዓንኬል ጎንፂ ብምፅማድን ዝተፈላለዩ ኣጀንዳታት ብምፍጣርን ባህጊ ጉጅለኦም ኣብ ልዕሊ ህዝቢ ንምፅዓን ዝንቀሳቐሱ ፀረ-ሰላም ሓይሊታት ኣካይደኦም ብኣግባቡ ምግንዛብ ይግባእ ኢሎም።

ስራሕቲ ሰላም ንከይስርሑ ዝተፈላለዩ ኣጀንዳታት ብምፍጣር ለይቲን ቀትሪን ዝሰርሑ ሓይሊታት ምህላዎም ግልፂ ኢዩ ዝበሉ እቶም ሚኒስትር፥ እቶም ሓይሊታት ምስ ዝተፈላለዩ ኣካላት ብረብሓ ዝምድና ብምፍጣር ሃፍቲ ይወሩ ከምዘለዉ ሓቢሮም።

ዝተፈላለዩ ኣጀንዳታት ብምፍጣር ዳግማይ ጎንፂ ንምውላዕን መንግስቲ ንምፍራስን ዝደሊዩ ኣካላት በስፍሓት ይረአዩ ከምዘለዉ ገሊፆም።

ባህጊ መንእሰይ ትግራይ ሰላም ከምዝኾነ ብምግላፅ፥ ህዝብን ኣካላት ፀፅታን ኢሉ’ውን መናእሰይ እቶም ሓይሊታት ዝገብርዎ ምንቅስቓስ ክሳብ ዘይተቐበሎ ንበይኖም ዘምፅእዎ ለውጢ ከምዘይህሊ ኣገንዚቦም።

ኣብዝሓ ህዝቢ ንሰላም ዝሰርሕ እንተኾይኑ ዝተወሰነ ጉጅለ ጥራሕ ናይቲ ከባቢ ሰላም ምዝራግን ሃገር ምንጋዕን ዝኽእለሉ ዕድል ከምዘይህሉ ሓቢሮም።

ህዝቢ ኣካይዳ እቶም ፀረ ሰላም ሓይሊታት ብምርዳእን እዞም ሓይሊታት ምዕጋስን ዘኽእል ዓቕሚ ስለዘለዎ ጎንፂ ክውላዕ ኢዩ ዝብል እምነት የብለይን እወን ኢሎም።

ህዝብና ካብ ጉድኣት ዘይወፅአን ኣብ ልዑል ሓዘን ዝርከብን ማሕበረሰብ ኢዩ ብምባል፥ ባህጊ ህዝቢ ካብ ዝበፅሖ ጉድኣት ምውፃእ ከምዝኾነ ኣፅንኦት ሂቦም።

ጥፍኣተኛታት ሓይሊታት ፈሊዩ መፍላጥ ኣድላዪ ከምዝኾነ ብምግላፅ፥ ህዝቢ ተግራይ ነዚ ብዝተማልአ ኩነታት እናገለፀ ከምዝኾነን መንግስቲ ፌዴራል መፍትሒ ንክህብ ይሓትት ከምዘሎን ገሊፆም።

ኣብርሃም በላይ (ዶ/ር) መንግስቲ እቲ ክልል ነቲ ኩነታት ምርግጋዕ ከምዘለዎ ብምሕባር፥ ካብ ዓቕሚ መንግስቲ እቲ ክልል ንላዕሊ ዝኾኑ ኣጀንዳታት እንተተፈጢሮም ብሓባር መፍትሒ ከምዝወሃብ ተዛሪቦም።

ህዝቢ ትግራይ ንሰላም ዝገብሮ ዘሎ ምንቅስቓስ መልላእ ሀዝቢ ኢትዮጵያ ንክድግፍ እውን ፃውዒት ኣቕሪቦም።

ብሃይለማርያም ተገኝ