ኣብ ወርሒ መጋቢት ስራሕቲ ወፍሪ ልገሳ ደም ከምዝውገን ተገሊፁ

ኣዲስ ኣበባ፣ 1 መጋቢት፣ 2017 (ኤፍ ኤም ሲ)መጋቢት ወርሂ ልገሳ ደም ብምግባር ስራሕቲ ጎስጓስ ከምዝካየድ ኣገልግሎት ባንኪ ደምን ህብረ ህዋስን ኢትዮጵያ ኣፍሊጡ።

እቲ ኣገልግሎት ካብ ወለንታውያን ደምን ህብረ-ህዋስን ብምትእኽኻብን ድሕንነቱ ብምርግጋፅ ንተጠቀምቲ እናመሓላለፈ ከምዝኾነ ገሊፁ፡፡

ኣብዚ ሕዚ እዋን ቤተ-ክርስቲያን ኦርቶዶክስ ተዋህዶ ኢትዮጵያን ተኸተልቲ እምነት ሃይማኖት እስልምናን ናይ ፆም እዋን ምዃኑ ስዒቡ ሕፅረት ቀረብ ደምን ተዋፅኦ ደምን ከየጋጥም ዝተጠናኸሩ ስራሕቲ እናሰርሐ ከምዝርከብ ኣብሪሁ፡፡

በዚ ድማ መጋቢት ወርሒ ልገሳ ደም ብምግባር ኣድላዪ እታወት ንምትእኽኻበ ዘኽእል ስራ ንምውጋን ምድላው ከምዝተገበረ ምክትል ዋና ዳይሬክተር እቲ ኣገልግሎት ሃብታሙ ታዬ ንፋና ሚዲያ ኮርፖሬሽን ተዛሪቦም፡፡

ነዚ ሰብኣዊ ኣገልግሎት፤ ወለንታውያን ማሕበረሰብ ኣብ ምንቃሕ ተሳተፍቲ ንኽኾኑ ፃውዒት ኣቕሪቦም።

ብሰለሞን ይታየው