ኣብ ዓውዲ ወታደራዊ ምስ ኢትዮጵያ ክሰርሕ ይደሊ ኢየ – ኒጀር

ኣዲስ ኣበባ፣ 19 ለካቲት፣ 2017 (ኤፍ ኤም ሲ)ሚኒስትር ምክልኻል ኢትዮጵያ ኣይሻ መሓመድ (ኢ/ር) ብሚኒስትር ምክልኻል ሪፐብሊክ ኒጀር ሌተናል ጀኔራል ሳሊፎ ሞዲ ምስ ዝተመርሐ ወታደራዊ ልኡኽ ተዛቲየን፡፡

ኣብ ዘተአን ድማ ኣብ ምትእምማን ዝተመሰረተ ሓድነትን ሓበራዊ ረብሓ ዝሕሉን ርክብ እንድሕር ሃሊዩ፤ ኣፍሪካ ንካሊእ ዓለም ኣብነት ዘይትኾነሉ ምኽንያት የለን ኢለን እተን ሚኒስትር፡፡

ኢትዮጵያ ፀገም ኣፍሪካውያን ዝፍታሕ ብባዕሎም ኣፍሪካውያን ኢዩ ዝብል ፅኑዕ ቅዋም ከምዘለዋ እውን ኣገንዚበን፡፡

ሌተናል ጀኔራል ሳሊፎ ሞዲ ብግደኦም÷ “ኢትዮጵያ ዓባይ ሃገር ኢያ፤ ሃገርና ትኹን ኣህጉርና ኣፍሪካ ፀገም ኣብ ዘጋጠማ ግዘ ሃገራት ናፅነተን ንኽጎናፀፋ ዋጋ ከፊላ ኢያ” ኢሎም፡፡

ኣብ ውትድርናን ጉዳያት ፀፅታን ሓገዝ ኢትዮጵያ ከምዘድልዮምን ብሓባር ንምስራሕ ቆራፅ ከምዝኾኑን ኣረጋጊፆም፡፡

ተሞክሮ ወታደራዊ ልምዲ ኣቢያተ ትምህርቲን ሰራዊት ኢትዮጵያ ብምቕሳም፤ ኣብ ኒጀር ዘበናዊ ትካል ውትድርና ክሃንፁ ከምዝደልዩ ምግላፆም ካብ ማሕበራዊ ሚዲያ ሰራዊት ምክልኻል ዝረኸብናዮ ሓበሬታ የረድእ፡፡