ኣብ ዕድጊት ሲሚንቶ ብዝተወሰደ መመሓየሺ ስርዓት ኣሰራርሓ ዋጋኡ ብፍርቂ ነክዩ – ካሳሁን ጎፌ (ዶ/ር)

ኣዲስ ኣበባ፣ 7 ለካቲት፣ 2017 (ኤፍ ኤም ሲ)ኣብ ዕድጊት ሲሚንቶ ብዝተወሰደ መመሓየሺ ስርዓት ኣሰራርሓ ዝተረጋገአ ቀረብን ዕድጊትን ክህሉ ካብ ምግባሩ ብተወሳኺ ዋጋኡ ብፍርቂ ክንኪ ከምዝገበረ ሚኒስትር ንግዲን ዞባዊ ምትእስሳርን ካሳሁን ጎፌ (ዶ/ር) ገሊፆም፡፡

እቶም ሚኒስትር ኣብ ማሕበራዊ ሚዲያ ገፆም÷ ገምጋም ኣፈፃፅማ ዘፈር ንግዲ ቀዳማይ መንፈቕ በጀት ዓመት 2017 ፌደራልን ክልላትን ኣብ ክልል ማእኸላይ ኢትዮጵያ ዞባ ምብራቕ ጉራጌ ከተማ ቡታጅራ ከምዘካየዱ ገሊፆም፡፡

ኣብ 6 ኣዋርሕ ብብርኪ ሃገር ልዕሊ 2 ሚሊየን 50 ሺሕ ኣገልግሎት ምዝገባን ፈቓድን ብኦንላይን ከምዝተውሃበ ገሊፆም፡፡

ካብ ሓፈሻዊ ሃገራዊ ንግዲ ወፃኢ 3 ነጥቢ 28 ቢሊየን ዶላር ኣሜሪካን ኣታዊ ከምዝተረኸበ ብምሕባር፤ እዚ ድማ ምስ ዝሓለፈ ዓመት እንትነፃፀር 1 ነጥቢ 71 ቢሊየን ዶላር ሓለፋ ከምዘለዎ ኣብሪሆም።

ማእኸላት ዕድጊት ቀዳምን ሰንበትን 1 ሺሕን 213 ምብፃሕ ከምዝተኽኣለ እውን ተዛሪቦም።

ኣብ ዕድጊት ሲሚንቶ ብተወሰደ መመሓየሺ ስረዓት ኣሰራርሓ ዝተረጋገአ ቀረብን ዕድጊትን ክህሉ ካብ ምግባር ሓሊፉ ዋጋኡ ብፍርቂ ክንኪ ከምዝገበረ እውን ጠሪሖም፡፡