ኣብ ዝተፈላለያ ክልላትን ከተማታትን ኣብ ፍረ ለውጢ መጋቢታውያን ዘድሀበ ፓናል ዘተ ይካየድ ኣሎ
ኣዲስ ኣበባ፣ 24 መጋቢት፣ 2017 (ኤፍ ኤም ሲ)ኣብ ዝተፈላለያ ክልላትን ከተማታትን ኣብ ፍረ ለውጢ መጋቢታውያን ትኹረት ዝገበሩ ፓናል ዘተታት ይካየዱ ኣለዉ፡፡
ኣብ ክልል ሃረሪ እናተኻየደ ኣብ ዝርከብ መድረኽ፤ ኣብ ዝሓለፉ ሸውዓተ ዓመታት ዝተመዝገቡ ዓወታት ዝድህስስ “ፍረ ለውጢ መጋቢታዊያን” ብዝብል ርእሲ ዝተሰናደአ ፅሑፍ ቀሪቡ ልዝብ እናተገበረሉ ይርከብ፡፡
ኣብቲ መድረኽ ኣፈ ጉባኤ ቤት ምኽሪ እቲ ክልል ሱልጣን ኣብዱሰላም፣ ኣፈ ጉባኤ ሃረሪ ሙህየዲን ኣሕመድ፣ ምክትል ርእሰ ምምሕዳር እቲ ክልል ሮዛ ዑመር፣ ሓላፊ ቤት ፅሕፈት ፓርቲ ብልፅግና እቲ ክልል ጌቱ ወዬሳ ሓዊሱ ላዕለዎት ኣመራርሓ እቲ ክልልን ዕድመ ዝተገበረሎም ኣጋይሽን ተረኺቦም።
ብተመሳሳሊ ኣብ ክልል ደቡብ ኢትዮጵያ ክላስተር ዲላ “ፍረ ለውጢ መጋቢታዊያን ትማሊ፣ ሎሚን ፅባሕን ንብራኸ ኢትዮጵያ” ብዝብል መሪሕ ሓሳብ 7ይ ዓመት ናይ ለውጢ መንግስቲ ብዝተፈላለዩ ምድላዋት እናተኸበረ ይርከብ፡፡
ፓርቲ ብልፅግና ካብ ዝውለድ ኣብ ጉዕዞ ሸውዓተ ዓመት ብኹሎም ዓውዲታትዝተመዝገበ ለውጡ ዝምልከት ሰነድ ቀሪቡ ዘተ እናተገበረሉ ከምዝርከብ ሓበሬታ ኮሙኒኬሽን ዞባ ጌዴኦ የመላኽት።
ኣብ ምምሕዳር ከተማ ድሬዳዋ እውን “ፍረ ለውጢ መጋቢታዊያን ትማሊ፣ ሎሚን ፅባሕን” ብዝብል መሪሕ ሓሳብ ህዝባዊ መድረኽ ዘተ እናተኻየደ ከምዝኾነ ሓበሬታ ቢሮ ኮሙኒኬሽን እቲ ምምሕዳር ኣመልኪቱ፡፡