ኣይተ ኣደም ፋራህ ምስ ልኡኽ ፓርቲ ኮሚኒስት ኩባ ዘቲዮም

ኣዲስ ኣበባ፣ 23 ጥሪ፣ 2017 (ኤፍ ኤም ሲ)ብመዓርግ ምክትል ቀዳማይ ሚኒስትር ሓላፊ ምትሕብባር ማእኸል ህንፀት ስርዓት ዴሞክራሲ ኣይተ ኣደም ፋራህ ምስ ኣባላት ልኡኽ ፓርቲ ኮሚኒስት ኩባ ዘቲዮም።

ኣይተ ኣደም፥ ኣብዚ ሐዚ እዋን ብመሪሕነት ፓርቲ ብልፅግና ኢትዮጵያ ኣብ ዓውዲ ኢኮኖሚ፣ ማሕበራዊን ካልኦት ዓውዲታትን ኣዝተዩ ውፅኢታዊ ዝኾነ ዓወታት ተመዝገብ ከምዘላ ገሊፆም።

ኢትዮጵያ ኣብ ኣፍሪካ ብስሉጥ ይዓብያ ካብ ዘለዋ ሓሙሽተ ሃገራት ሓንቲ ከምዝኾነት ብምግላፅ፥ ኢኮኖሚኣ ኣብ ዝሓለፈ ዓመት ብማኸላይ 8 ነጥቢ 1 ሚኢታዊ ምዕባዩ፣ ኣብዚ ዓመት እውን 8 ነጥቢ 4 ሚኢታዊ ንምዕባይ ተተሊሙ ይስራሕ ከምዘሎ ተዛሪቦም።

እቲ ፓርቲ ምዕባለ ኢትዮጵያ ንምዕዋት ኣብ ሓሙሽተ ዓውዲታት ብፍሉይ ቆላሕታ ይስራሕ ከምዘሎ ኣብሪሆም።

ብፍላይ ኣብ ዓውዲ ግብርና ፍሪያት ስርናይ ርኡይ ዓወት ተመዝጊቡ ኢዩ ኢሎም።

ኣብ ጥዕና፣ ሳይንስን ቴክኖሎጂን ዝሓሸ ስራሕ ንምክያድ ምስ ኩባ ዘሎ ምትሕብባር ከምዝጠናኸር ገሊፆም።

ርክብ ክልቲአን ሃገራት ሓበራዊ ተረባሕነት ንምርግጋፅ ከስራሕ ኢዩ ኢሎም።

ማራሒት እቲ ልኡኽ ዩዲ ሜርሴዲስ ኸርናንዴዝ ብግደአን፥ እቲ ልኡኽ ኣብ መበል ካልኣይ ስሩዕ ጉባኤ ፓርቲ ብልፅግና ንክሳተፍ እንግዶት ስለዝቐረበሉ አመስጊነን።

እተን ሃገራት ኣብ ኢንቨስትመንት፣ ዲፕሎማሲን ካልኦት ዓውዲታትን ርክብ ምጥንኻር ኣብ ዘኽእሉ ዛዕባታት ተዛቲና ምባለን ኣብ ፓርቲ ብልፅግና ዝረኸብናዮ ሓበሬታ የረድእ።