ኣፈፃፅማ ፕሮጀክት ጣቢያ መከፋፈሊ ኤሌክትሪክ ፍሉይ ዞባ ኢኮኖሚ ገዳ 48 ነጥቢ 5 ሚኢታዊ በፂሑ

ኣዲስ ኣበባ፣ 20 ለካቲት፣ 2017 (ኤፍ ኤም ሲ)ኣፈፃፅማ ፕሮጀክት ጣቢያ መከፋፈሊ በዓል 230 ኪሎ ቮልት ሓይሊ ኤሌክትሪክ ፍሉይ ዞባ ኢኮኖሚ ገዳ 48 ነጥቢ 5 ሚኢታዊ በፂሑ።

ክሳብ ወርሒ ሓምለ ንምዝዛም ይስራሕ ከምዘሎ እውን ተሓቢሩ።

ኣካያዲ ስራሕ ሳይት እቲ ፕሮጀክት ቴዎድሮስ ጋሻው፥ እቲ ጣቢያ 14 በዓል 33 ኪሎ ቮለት ወፃኢ መስመራትን ንሕድሕዶም በዓል 63 ሜጋ ቮልት ኣምፔር ዓቕሚ ዘለዎም ኣርባዕተ ትራንስፎርመራትን ንክህልውዎ ተገይሩ ይህነፅ ኣሎ ኢሎም።

እቲ መከፋፈሊ ጣቢያ ናውቲታት ኤሌክትሮ ሜካኒካል ንምቕማጥ ዝሕግዙ ካብ 290 ንላዕሊ ኳዕቲታት ሰረትን ምምላእ ኮንኩሪትን ከምኡወን ህንፀታት መቐመጢ ኣርባዕተ ትራንስፎርመራት ምዝዛሞም ተገሊፁ።

በዓል መዚ ፍሉይ ኢኮኖሚ ገዳ ንዘህንፆ ስማርት ሲቲ ኣብ ዝተፈላለዩ ምዕራፋት ንክቐርበሉ ካብ መንጎ ዝደሊዮ 575 ሜጋ ቮልት ኣምፔር ሓይሊ  እቲ ፕሮጀክት ኣብ ቀዳማይ ምዕራፍ 252 ሜጋ ቮልት ኣምፔር ሓይሊ ንምቕራብ ከምዘኽእል ምግላፆም ኣብ ሓይሊ ኤሌክትሪክ ኢትዮጵያ ዝረኸብናዮ ሓበሬታ የረድእ።